8. kalea bideo sorta ari da egiten aspaldion Ibaizabal Telebista. Bilbo eta inguruetako gaiak lantzen dituzte normalean, eta berriki herri irratigintzari buruzkoa egin dute. Bilbo Hiria irratia, Bilboko Irola eta Tas Tas irrati libreak, Uribe Kostako Koska irratia eta Lutxanako Zopinpa irratia.
Irratia.com emankizun bat grabatzen ere egon ziren Ibaizabalekoak, eta gure saioko irudi eta soinuak ere txertatu dituzten beraien erreportaira.
8. kalea
mila esker Ibai!
Hiru gonbidatu izan ditugu irratsaioa egiteko orduan: Iruñeatik, Euskalerria irratiko teknikari Ibon Gaztanbide; urte luzetan Euskadi Irratiko esatari izandako Susana Mujika kazetariarekin mintzatu gara gero; azkenik Hondartza parean harrapatu dugu Makala disko jartzaile eta musikaria.
Argazkiak.org | irratigintza euskalduna © cc-by-sa: gaztelumendi
Irratia bizitzeko eta egiteko hiru modu ezberdin eta interesgarri erakutsi digute Ibon, Susana eta Mikelek.
Entzun gura baduzue:
Saioa eskuratzeko HEMEN klikatu.
Gogoeta saio bat egin gura dugu entzule, partehartzaile eta sareko lagunen artean. Irratigintza euskalduna eta berrikuntza hartu gura ditugu solasgai.
Gauza asko ditugu berba egiteko, eta guztion artean egin nahi dugu, eztabaida zabaldu eta gogoeta amankomuna egiten saiatzeko. Saio hau, hasiera bat baino ez da, berrikuntza saioan bertan aplikatzeko asmoarekin, gainera.
Argazkiak.org | irratigintza euskalduna © cc-by-sa: irratia.com
Horretarako saio berezia prestatu dugu. Beste euskal irrati batzuetako lagunak, entzuleak, musikariak, edota kulturgileen iritzia jaso nahi genuke. Eta baita zurea ere. Zure iritzia interesatzen zaigu: blogari, entzule, sortzaile, diasporako ikasle, herbesteko langile, Euskal Herriko auzokide zaitugun hori.
Telebistarako saioa
Ibaizabal telebistako adiskideek 8. kalea deritzon dokumental sorta ari dira prestatzen Bilbon. Irratigintzari buruzkoa izango da bat, eta Hamaika Telebistan emango dute aurki. Zuen iritziak ere, hor txertatu nahi genituzke.
To shoot an Elephant egun globala, urtarrilak 18. Eguzki Bideoak kolektiboko kideak izan dira gurean. Dokumentala, Palestinako egoera, Alberto Arceren proiektua, lizentzia librea, emisio globala… eta beste hainbat gai hartu ditugu hizpide.
Euskal Herrian 50 emanaldi inguru, eta mundu mailan 300 proiekzio egin diren egunean. Ekimen globala, Iruñeatik mundura. irratia.com ere partaide izan da ekimen honetan pentsatu lokalki eragin globalki mezua geure eginez, beste behin.
toshootanelephant.com euskaraz eta mundu osoan
eguzkibideoak.info ekoiztetxe independientea Iruñea (EH)
deabruak teilatuetan
colemans*
Datorren ostegunean kontzertu polita izango dugu Bilboko Kafe Antzokian. Deabruak Teilatuetan eta Colemans+
Tolosarrek 1973 diskoa kaleratu zutenetik egingo duten azken kontzertua izango da, eta Colemans berriz, hasi berriak dira; bigarren kontzertua dute hau. Deabruak Teilatuetan taldeko partaide bat eta Colemanseko beste jokalari bat elkarrizketatu ditugu. Kantu onenak jokaldi bihurtu ditugu, musika kirol, nostalgia aitzaki eta Antzokia San Mames.
Sarrerak aukeran
Nazioarteko ekimen bat, maila lokaleko kontzertu batekin. Hori da irratia.com pentsatu lokalki / eragin globalki. Ze urtetan sortu zen irratia.com? Deabruak eta Colemans ikusi gura badituzue, aski duzue urtea esan, eta aurtengo urteurrenerako proposamen bat bialtzea. Ados?
Saioa eskuratzeko HEMEN klikatu.
Duela urtebete, Gazan, “berun urtua” operazioan 1.400 inguru palestinar hil zituen Israelek, atzerriko kazetariak kanporatu ostean. Jazotakoak barrutik ikusi eta grabatu zituen Alberto Arcek. Bertan geratutako lekuko bakanetakoa dugu bera, eta bere testigantza gordina “Nazioarteko Komunitatearen” sarraskiarekiko konplizitatearen salaketa ozena dugu: To Shoot an Elephant dokumentala.
Mundu osoan estreinaldi eguna izango da urtarrilaren 18, Global Screening Day – Global Screaming bataiatu dute sarean oinarritutako zabalkunde esperientzia kolektibo berri hau Arcek eta bere lantaldekoek. Euren helburua argi dute ahalik eta zabalkunde gehiago ematea dela lan honi. Horregatik banaketa libreko Creative Commons lizentzia ezarri diote ekoizpenari, gainera eurek ezarri dute Bittorrent moduan doan eskuratzeko Interneten eta internautak animatu dituzte tokian tokiko doako proiekzioak eginez ekimen global honetan esku hartzeko. Gurean irratia.com irratsaioak antolatu du emanaldia, 19:30ean, Bilbo Hirian saioa bukatu eta ordu erdira, Bilboko Kafe Antzokian. Irratsaioan, besteak beste, ekimen honen inguruan mintzatuko gara zuzenean.
DVD formatoan Eguzki Bideoak banatzaile-ekoizle kolektibo nafarra zabaltzen ari da To Shoot an Elephant dokumentala eta proiekzioetan bertan eskura daitezke DVD honen kopiak. Gainera, nahi duenak aukera izango du bideoa bere pendrive edo USB gailuan etxera eramateko ere.
Abenduaren 19an manifestazio nazionala Bilbon.
irratia.com eta egunkarialibre.info auzolanean. Bilbo Hiria irratitik zuzenean arratsaldeko 17:00etatik aurrera.
Manifestazioa, iritziak, Egunkariako auzipetuak, elkartasuna, jendea, irrintziak, oihuak, salaketa, elkartasuna, kalea, mobilizazioak, argazkiak, irudiak, zuzeneko irudiak, musika, ahotsa, mezuak…
Irrati emankizuna FMtik (96.0 fm) zein Internetetik zuzenean, mundu osora. Auzolanean egindako saioa izango da, jendea kalean, telefono irekia, mikrofonoak partehartzea bultzatzen. Twitter mezuak, argazkiak, komentarioak… sareko emankizun solidario bat.
Saioa entzun edo eskuratzeko HEMEN klikatu.
Argazkiak.org | Bilbo OpenStreetMapen 2007/07/01 © cc-by-sa: garaolaza
Open Street map ezagutzen duzu?
Munduko mapa librea da, wikipedia egiten den bezala osatzen ari den mapa. Euskal Herria ez dakigu esistitzen den, baina euskal herriak hasi dira mapeatzen bertan. Mikel Lizarraldek azaldu digu mapak zelan egiten diren.
Eta mapan ibili gara gora eta behera, Durangora heltzeko. Azokatik paraje, Ahotsenea topatu dugu, eta Edorta Jimenezekin hasi gara berbetan. Sorkuntza, literatura, musika, hizkuntza, azoka… tartean kantu batzuk entzun ditugu, zelan ez.
azkara.
Saioa eskuratzeko HEMEN klikatu.
Internet Gaur galdetu diegu gure solaskidei: Maite Goñi, Gorka Julio Teketen eta Adur Larrea izan dira gurean, ikasturteari hasiera emanez. Erronka berriak, arriskuak, aukerak eta kezkak izan ditugu hizpide. Liburu elektronikoa, sare sozialak, ikusentzunezkoak… aipagai. Irratia.com erabiltzaileek ere #iGaur etiketarekin parte hartu dute lehen saio honetan. Aurrerantzean astero tag bat proposatuko dugu, gure artean berba egin eta elkarrizketa digitala sortzeko helburuarekin.
Saioa eskuratzeko HEMEN klikatu.
uda joanik, udazkenean murgildurik… oraindik ez dugu irrati zaharrean saiorik egin.
ez gara hasi.
musika hautatzeke, nor elkarrizketatu erabaki barik… mikrofono aurrean jartzeko lotsati xamar…
irratia.com standby egoeran dagoela dirudi… eta? zer axola du horrek, mundua gero eta okerrago dagoen honetan….?
inork badu irratia euskaraz eta podcast bezala entzuteko gogorik?
lagunduko zenuke zerbaitetan?
zertan?
irratia.com zu ere bazara… sareko irrati batek, sarea behar duelako derrigorrean, ala?
zurea da hitza… guztiok entzungo dugu gero.
www.irratia.com
Euskal Herria Zuzenean zuzenean bizi eta gero, aurtengoan saioa egin dugu Heletako plazatik bertatik. Info7 irratiaren estudioan izan gara gu ere, eta irratia.com berezi bat egin dugu, orain podcast bezala aurkezten dizueguna.
Festibaleko hiru egunen errepasoa, musika, ekitaldiak. Jaialdiaren bilana egin digu Eneritz Zabaleta antolatzaileak, eta zuzeneko jarraipenean arreta berezia jarri dugu. Besteak beste EHZ festibaleko webmasterra den Peio Etxegoin izan da gurean, zuzenean. dugu zuzenean.
Saioa eskuratzeko HEMEN klikatu.
irudiak: ehz-festibala.com