Kategoriaren artxiboa: Gurean asteon (podcast)

Asteroko saioa, astearteetan Bilbo Hiria irratian egiten duguna, gerora podcast moduan sarean eskuragarri jartzen duguna.

Gurean asteon (podcast)

139. saioa: twitteskundeak, Sustatu eta futbola

Saioa entzuteko HEMEN.

sustatu.com Interneteko albistegial

Twitteskundeak. Igaro dira Euskal Erdiko hauteskundeak. Lehendakari barik gauden arren, ereserkiak eta eskainitako kantuak jarri ditu gure disko jartzaileak, barre egin dugu eta guztiok ospatu dugu nork bere garaipena. Gogoeta teknopolitikoa egin digute Teketen eta Ana Malagonek. Audio post bana.

Sustatu.com Luistxo Fernandez gonbidatu dugu. Berba egin dugu Sustatu berrituari buruz. Interneteko albistegi bilakatu da ekonomiaz, kulturaz eta abarretaz mintzo zen blog kolektiboa. Irudi berdeagoa, irudiak (bideo eta argazkiak) gehitu zaizkio hitzezkoari. Elkarrizketa mamitsua duda barik. Hauteskudeak, bideoak, elkarrizketa digitala, twitter eta futbola.

Zuri gorri Bilbo Ez da besterik ikusten bazterrotan, Athletic gora eta gora Athletic. Kalean, leihoetan, gorritu egin da Bilbo. Lotsa gutxi. Ez dago krisirik, ez dago hauteskunde osteko ajerik. Denak Santimamiñera begira, hamaikakoak zer egingo. Guk ordea, himnoen ordez The Clash taldearen Revolution Rock entzunez amaitu dugu gure irratsaioa.

Gurean asteon (podcast), irratia.com, Musika albisteak

138. saioa: are you reggae?

Iruzkin 1

Saioa entzuteko HEMEN.

are you reggae? Revolutionary brothers & king konsul

irratia.com sound system. Konsul izan dugu estudioan, mikrofonoetara. Donostiatik zuzenean Unai (revolutionary brothers) Ttan Ttakun irrati libreko are you reggae? saioko esatari eta disko jartzailea. Eta reggaea hizpide, musika beltza entzungai. Eta zuzenekoa eskaini digu King Konsulek. Revolutionary brothers & Kingo Konsul. Kantuak joan, kantuak etorri. Galdetu eta erantzun. Entzun eta ikasi. Dena zuzenean, dena txukun. irratia dot com, basque digital radio.

Gurean asteon (podcast)

137. saioa: Artea, emakumeak, historia eta zientzia

Saioa entzuteko HEMEN.

Artea eta generoa. Wiki historiak bultzatzen dituzten Saioa Olmo eta Haizea Barcenilla izan ditugu saioan. Artea, generoa, emakumea, feminismoa… historia wiki batean idatzita. Luze aritu gara gaiaren gainean, eztabaida berez hor dagoelako.

Saioaren bigarren partean berriz, zientzia izan dugu hizpide. Galder gonbidatu eta Darwinen jaiotzaren 200. urteurrenaz aritu gara. Darwin gaur, Interneten aroan. Interesgarriena agian, eskaini dizkigun hiru loturak. Hiru gune interesgarri. Zuhaitza, wikiespezieak eta bizitzaren beste zuhaitz berezi bat (pdf-an).

Gurean asteon (podcast)

136. saioa: softwarelibrea.eus

Saioa entzuteko HEMEN.

FOSDEM, the Free and Open Source Software Developers' European Meeting

FOSDEM Europa mailako software libre garatzaileen topaketa izan da asteburuan Bruselan. Euskaldunak ere izan dira bertan, Librezaleko kideak, eta bertako berri emanez hasi dugu gaurko irratsaioa, wifi konexioa eskuratu ostean. izan da gurean.

Saioaren bigarren zatian Iñaki Goirizelaia elkarrizketatu dugu. Telematika ingeniaria eta EHUko errektorea be bada Goirizelaia. Baina guk puntuEUS elkartearen sorrera aitzaki hartuta elkarrizketatu dugu, euskara eta euskal kulturaren dominioa zelan eskuratu azaltzeko.
Eta saioa musika atseginarekin amaitu dugu, ohi dugunez. Albisteak 2.0 atalik ez dugu egin, gai nagusiek aski informazio eskaini digutela iritzita.

Euskal irratiak, Gurean asteon (podcast)

135. saioa: AnHitz estudioan

2 iruzkin

Saioa entzuteko HEMEN.

AnHitz izan da gurean. Neska euskaldun baten ahotsarekin, euskaraz mintzo den zientzia eta teknologiari buruzko errobota da Anhitz. Oso interesgarria iruditzen zitzaigun gaurko saioa, eta Igor Leturiaren laguntzagaz (Elhuyar i+g) , oso elkarrizketa interesgarria egin dugulakoan gaude. Twitter eta facebook bidez ere jarraipena izan du gaurkoak, eta alde horretatik oso pozik gu.

Albisteak 2.0 albistegi digitalean puntuEUS elkartearen sorrera, ARGIA saria Librezale ekimenari eta beste. Saio konpletoa, barreak, algarak, zientzia eta teknologia, sexua eta umorea.

Gurean asteon (podcast)

134. saioa: ARGIAk 90 urte eta gu blogarekin oraindik

Saioa entzuteko HEMEN.

ARGIA 90 urtez euskal prentsa ARGIA astekaria 1919an sortu zuten kaputxinoek. 90 urte beranduago, 2009an blogak, sare sozialak, bideoak eta irratia.com bezalako sareetan murgilduta gabiltza. Gorka Bereziartua kazetariak, Bloga daukat, hain zaharra al naiz? artikulua idatzi du berriki, Wired aldizkariko artikulu batean oinarrituta. Guk Gorkarekin elkarrizketa mamitsua izan dugu kazetaritzaz, erredakzio digitalaz, sare sozialak, blogak…. eta ARGIAri buruz, zelan ez.

Gurean asteon (podcast), irratia.com

133. saioa: Yes, we kan -kafe antzokia martxan-

3 iruzkin

Saioa entzuteko HEMEN.

kafea antzokia martxan yes we kan esanez abiatu dugu gaurko saioa. Beltzen doinuak sintoniaren ostean, Maialen Errotaberek eztiki, Guantamera gero, munduan espetxe bat gitxiago egongo den esperantzan. Yes we can. Zaindu maite duzun hori, Kafe Antzokia.  Zenbat Gara elkarteko Xabierrek etorkizun iluna margotu dugu. Kafe Antzokia itxi egingo da, baldin eta Bilboko udalak ez badu bere jarrera aldatzen. Euskaldun gehiago hartu behar ditu bere baitan antzokiak, egunez eta gauez. Euskaldunok behar dugulako. Guk ere Kafe Antzokia martxan gura dugu, irratia.com egiten jarraitzeko, Bilbo Hiria irratia entzuten egoteko, besteak beste.

Saioaren bigarren zatian, bizi gara! kantatu dugu hala ere. Bizi da euskara, bizi gara euskaldunok, sortzen dugu, sortzen jarraitu gura dugu. Eta Esku era jardunaldiak aurkeztu dizkigu gero Ikerrek, gure facebookeko lagunak. Topaguneko eleduna. Euskara elkarteak ekarri ditugu hizpidera, sare sozialen aroan.

Gurean asteon (podcast), irratia.com

132. saioa: Palestinarekin elkartasuna

Saioa entzuteko HEMEN.

2009. urte hau zelan hasi dugun kontatzea alferrikakoa da. Badira hiru aste Gazako herritarrak, palestinarrak, hiltzen ari direla. Israeldar hegazkin, tanke, bonba eta tiroen eraginez hilak ere. Guk, irratian musika eta hitza uztartuz gure elkartasuna igorri gura izan dugu hara. Euskal Herritik Palestinara. Sarea eta uhinak kanaltzat hartuta.
Fermin Muguruzak musika proposamenak igorri zizkigun, DAM, Palestinar raperoak eta Gaza Calling kantua besteak beste. Imanol Muruak Palestina zauritua liburua hartu du hizpide, argitaratu eta 10 urte beranduago. Ibai de Castrok Palestina hesien zirrikituetatik dokumentala eta brigadistaren ikuspegia eskaini dizkigu. Mezuak jaso ditugu sarean, irudiak zabaldu dira… eta sare sozialak, elkartasuna eta salaketa uztartzeko baliatu ditugu. Beste behin.
Orain, sarea baliatuko dugu emankizuna zabaldu eta hedatzeko ere. Horretan lagun izango zaitugulakoan, mila esker guztioi.

Gurean asteon (podcast)

131. saioa: sare sozialak hizpide

Saioa entzuteko HEMEN.

Sare sozialak ekarri ditugu hizpidera. Horretarako facebook sareko gure bi lagun gonbidatu ditugu estudiora. Iruri Knörr eta Katixa Agirre. Biak gasteiztarrak, Internet eta teknologia berrien erabiltzaile. Blogariak, sare sozialetako erabiltzaile… eta gai honi buruz esateko asko daukatenak. Elkarrizketa mamitsua izan da, laurok berba asko egin dugu, eta horrez gain jendeak parte hartu du. Twitter, facebook eta baita entzuleek irratira deituta ere. Interesgarria izan da sortu den elkarekintza -interaktibitatea-. 

Gurean asteon (podcast)

130. saioa: Duela 20 urtekoekin hasi eta 2008 urteari begira

Saioa entzuteko HEMEN.

Arrasate Press sortu zela 20 urte direla irakurri genion blogean Joxe Aranzabali. Eta gurera gonbidatu dugu horretaz berba egitera. Eta 20 urteotako kontuak hizpide hartu ditugu, 20 minututan edo. Eta autoedizioa, eta garai bateko macintosh txikiak, eta Aldus programak…
Ostean, aurtengo kontuetaz aritu gara Joxe Rojasekin. zortzi2008 antolatu du aurten ere. Gure inguruan sortzen denari begira geratu gara horrela. Ia oharkabean, Interneten errepasoa eginez. Eta beste ordulaurden bat hizketan… eta programa joan zaigu, oharkabean.