Bilbo Hiria irratiak Korrikaren Bilboko ibilbidea eta amaiera jarraituko ditu datorren igandean, zuzenean egingo duen irratsaio berezi baten bidez. Martxoaren 20an amaituko da Korrika 14 Bilbon, 12:30ak aldera Arriaga antzokiaren parean, baina Bizkaiko hiriburuan 9:00etan sartuko da Zorrotza auzotik eta, orduz gero, auzorik auzo ibiliko da botxoan. Bilbo Hiriak ibilbide hori guztia jarraituko du, ia lau ordu iraungo duen irratsaio oso berezi baten bidez. Iparraldeko euskal irratiek eta Hala Bedik ere emango dute irratsaio hau zuzean aldi berean.
Jarraitu Korrikaren amaiera zuzenean Bilbotik irakurtzen →

Arrosa ekimenean bildutako Euskal Irrati anitz ari dira une honetan Korrikaren abiatze ekitaldia igortzen zuzenean, batzuk Interneten bidez, hain zuzen ere. Besteak beste, Zintzilik (Orereta), Hala Bedi (Gasteiz) eta Gure Irratia (Baiona) ari dira 18:00etatik zuzenean Korrika 14 honen hasiera emititzen, Iparraldeko euskal irratien seinalea hartuz eta zabalduz. Bilbo Hiria irratiak ere igorriko du emanaldia, 19:00etatik aurrera.

Aspaldi sortu zen Lapurdiko irrati hau. Gaur egun, Ipar Euskal Herriko irrati euskaldunen artean, indartsuena da. Bizia da, eta horretarako entzutea besterik ez dago. Euskalduntasunaren ikuspegi modernoa eta erromantikoa batera uztartzen ditu. Aspaldi, Internetetik ere entzun daiteke eta ordu gozoak eskaintzen ditu.
Jarraitu Gure Irratia Baionatik mundu osorat irakurtzen →