Aste honetan, otsailaren 16a eta 17a bitartean Data 2005 jardunaldiak izango dira Leioako Gizarte komunikazio fakultatean. Bitakorak, euren funtsa, datu baseen erabilera eta WordPress plataforma irekiaren funtzionamendua izango dituzte mintzagai egunotan, Gorka Palazio irakasleak antolatu dituen jardunaldi hauetan.

Saioa eskuratzeko egin klik HEMEN (MP3 56 Kbps mono, 24 MB).

Palaziorekin izan gara solasean, besteak beste, unibertsitatean ikasleari eta bihar-etziko kazetariari bitakora bat egiteak nolako laguntza ematen dion, WordPress erremintak zer nolako abantailak dituen… MYSQL datu baseak, CMS ezberdinak…

Gainerakoan, Joxe Aranzabalen liburuaren argitarapena, Windows-en segurtasun zuloak, Bittorrent eta beste gai batzuk izan ditugu hizpide gaurko irratsaioan. Patxi gabe egin dugu, bera Sahara aldean baitabil, baina bueltan emango digu han ikusitakoaren berri.