The
Balde-rekin solasean
Aldizkari
berriaren nondik norakoak
Durangoko
azokan urtero izaten dira nobedadeak. Baina aurten
aurkitu ditugunen artean, bada bat aipagarria The
Balde doan banatuko den Euskal Herriko aldizkari
berri eta modernoa da. Tendentziak (musika, moda,
literatura, internet, bideojokoak..) jorratuko ditu.
Iruñean sortu da eta euskaraz eta ingelesez eskaintzen
ditu bere testuak, diseinu oso oso elegantearekin.
Aldizkaria aurkezteko hainbat jai antolatu dituzte
Durango, Donostia, Gasteiz, Iruñea eta Baionan.
Sortu bezain pronto irratia.com eko jalgi hadi dantzarat!
Saioan izan genituen.
Irratsaioa
entzuteko (mp3) ENTZUN.
___________________
ABENDUAK
15
GURE
IRRATIAk 20 urte
Interneten
bidez entzun daiteke jada
Lapurdiko
irratiak 20 urte bete ditu aurten. Ospakizunetan
murgildurik, Hendaian Txingudi eta Bidasoarako irrati
berri bat ireki dute, Antxeta irratia. Ez hori bakarrik,
Gure Irratiak Internet bidezko emankizunak ere hasi
dituelako. www.gure-irratia.com
gunean entzun ahal izango duzu 24 orenez, baita
Baxe Nafarroako Irulegiko Irratia ere.
Gure
Irratia (Real Audion) ENTZUN.
Antxeta
Irratia (Real Audion) ENTZUN.
Irulegiko
Irratia (RealAudion) ENTZUN.
___________________
ABENDUAK
14
Arrosa
proiektua eta euskal irratiak
Irrati
ekoizpen zentrua abian dugu
Dagoeneko
jada entzun duzu, Euskal Herri osoko irrati libre
eta euskaldunak bildu eta proiektu amankomunak garatzen
hasiak dira. Orain arte, zenbait emankizun batera
burutu izan ditugu irratiok. Oso esanguratsua izan
zen Korrikako azken egunean (lotura gure saioari)
egindako emankizuna, Euskal Herri osoan entzun ahal
izan zena. Irratien arteko bilera eta ordu guztien
ondorio da Arrosa irratigintza ekoizpen zentrua.
Arrosa proiektuarekin, irratigintzarako ekoizpen
zentru bat sortuko da, zeinak besteak beste eguenero
albisteak eta irrati programak sortuko dituen. Euskal
Herri osoko albisteak batu, eta internet bidez igorriko
ditu irrati guztietara, eta era berean kultur magazin
bat ekoitziko du, gura duten irratiek beraien irratietan
igorri dezaten. Euskalki guztietan landuko dira
albisteak, kultura bultzatzeok tresna izango da,
eta garrantzitsuena dena, Euskal Herri osoko irrati
eredu ezberdinak, elkarren artean lan egiten jarriko
dituela. Irratia.com ere Arrosa proiektuko partaidea
da, eta interneteko irratigintzan zamatutako esperientzia
eskainiko die gainontzeko irrati eta proiektuei.
Informazio
gehiago SUSTATUn,
EGUNKARIAn
ARGIAn eta GARAn.
___________________
ABENDUAK
10
Azken
kontzertua gaur Bartzelonatik
EH
al CAT jaialdia itxiko du Kepa Junkerak
Kontzertuen
zuzeneko azken emisioa egingo dugu gaur. Bartzelonako
Euskal Etxeak antolatutako Euskal
Herria al CAT jaialdiko ekitaldiak amaitzeko.
Bilbotar musikariak "Maren" disko berria
aurkeztuko du gaur Palau de la Musica-n 22.00etatik
aurrera. Emanaldia zuzenean entzun ahal izango duzue
irrati honen sintonian.
Ekitaldien
egitaraua eskuratzeko sakatu HEMEN.
Kontzertuak entzuteko sakatu HEMEN
.
___________________
AZAROAK 3
Urteurren
kontzertu arrakastatsua
Atzo
Bilbotik zuzenean: Loud & Lone
Urtea
bete dugula ospatzeko Kontzertua izan genuen bariku gauean
Loud & Lone and the Sound Dealers taldearekin Bilboko
Kafe Antzokian. Aretoa jendez gainezka egon zen Kantabria
eta Euskal Herriaren artean eratutako taldea ikusteko.
Kontzertua zuzenean emititu genuen gure kanal nagusian.
Kontzertuaren argazkiak eta bideoak ikusteko sakatu HEMEN.
___________________
UZTAILAK 13
Munduko
musiken kanala
Atzerriko
gure lagunen musika aukera
Koldozuzen
IJren eskutik datorkigu Internazionalista kanala, berak
egin baitu musika aukera eta gu denon esku jartzen du entzungai.
Gehienbat musika mestizoa da, osagarri beroak eta konbatiboak
dituena. "Internazionalista kanala, Euskal Herriaren
lagunak" bataiatu du berak, gure herriarekin nolabaiteko
loturak dituzten talde eta musikarien aukera zabal hau.
Eta berau aurkezteko zer hobe atzerrira jotzea baino. Kataluniaraino
joan zaigu Koldozuzen, REBROT
jaialdiraino eta bertan aurkeztu du bere kanala. Joan aurretik,
hala ere, elkarrizketa egin die Rebrot-eko antolatzaileei.
Grabatutako
elkarrizketa entzuteko, sakatu HEMEN.
Internazionalista
kanala ENTZUTEKO.
___________________
EKAINAK 6
Jose
Antonio Del Moral
@Euskadi
buletineko arduraduna
Euskal
Herrian bada komunikabide interesgarri bat, @Euskadi
Buletina. Honek sareko tresnarik garrantzitsuena erabiltzen
du: posta elektronikoa. Hamabostean behin Internetek gurean
egiten dituen aurrerapenen berri ematen digu mezu elektroniko
baten bidez eta sareko mundu honetan mugitzen diren proiektuen
pista interesgarriak eskaintzen.
Bere
arduradunarekin izan gara solasean, komunikabide honen gainean.
Gurean sarearen garapena atzeratuta dagoela salatu du, konekta
zaitez eta bestelakoak gora behera, eta euskararentzat sarea
tresna positiboa izango dela iritzi dio Del Moralek.
Grabatutako
elkarrizketa entzuteko, sakatu HEMEN.
Elkarrizketa
GEHIAGO
entzuteko.
___________________
EKAINAK
6
Ertz
Jaialdia
Musika
esperimentalen jaialdia Beran
Beran
(Nafarroa) musika esperimentalari buruzko Ertz jaialdia mintzagai
izan dugu (www.amanitarecords.com/ertz/). Antolatzaile dabilen
Xabi Erkiziak jaialdi honen inguruko xehetasunak eman dizkigu
zuzenean eta bertan esku hartuko dutenak aurkeztu dizkigu. Euskal
Herritik, Londresetik, Bartzelonatik, Austriatik, NYetik eta
Belgikatik datoz artistak jaialdian esku hartzeko.
Grabatutako
elkarrizketa entzuteko, sakatu HEMEN.
Elkarrizketa
GEHIAGO
entzuteko.
___________________
MAIATZAK
24
IRRATIA.COM
Behatokian
Donostiako
ziberkulturaren behatokian
Gaur
11.30etan aurkeztuko du IRRATIA.COMek bere burua Donostiako Koldo
Mitxelena Kulturgunean, Euskal Ziberkulturaren BEHATOKIAren
eskutik. Behatokia.net honek informazio eta komunikazio teknologia
berrien bitartez euskal kulturaren esparruan sortzen ari diren
proiektu berrien hausnartokia izan nahi du.
Bart
gauean elkarrizketa egin genuen gure asteazkeneroko Jalgi Hadi
Dantzarat saioan, Frantxis Lopez de Landatxe Behatokia.net-eko
arduradunarekin, baina arrazoi teknikoak direla medio, ezin izan
genuen gauzatu Interneteko zuzeneko emisioa.
Grabatutako
elkarrizketa entzuteko, sakatu HEMEN.
Elkarrizketa
GEHIAGO
entzuteko.
___________________
MAIATZAK 11
Sound
System gaua
IRRATIA.COM
eta ACRren eskutik
Sound
System gaua antolatuko du IRRATIA.COM euskal irrati digitalak
maiatzaren 11an Deustuko GAZTE
LOKALEAN. Gaueko 22.00etatik aurrera, REGILON, eta FRONT LION
Sound System ariko dira musika jartzen. Emanaldi hau Gazte Lokalaren
10. urteurrena ospatzeko antolatuko diren ekitaldien baitan kokatzen
da, Bob Marley hil zeneko 20 urte betetzen diren egunean. Baliteke
emanaldia beste lokal batean luzatzea eta, beraz, datozen egunotan
informatuko zaituztegu. Ekitaldiak ACR
(Asociacion Cultural Reggae) elkartearen laguntza izango du. Bilbo
eta inguruko Reggaeadiktoak biltzeko aukera bikaina.
Sakatu
HEMEN reguilon-en emanaldia entzuteko.
___________________
MAIATZAK 10
BED
#2
Diskaren
aurkezpena zuzenean Kafe Antzokitik
Basque
Electronic Diaspora bildumaren bigarren diska maiatzaren 10ean
aurkeztu da Bilboko Kafe Antzokian. Euskal musikariek gurean eta
atzerrian egiten duten musika elektronikoaren erakusgarri, BED
#2 diskak 1999an lehenengoak hasitako bideari jarraitzen dio
eta METAK disketxeak
aurkezten duen lehendabiziko ekoizpena izango da.
Aurkezpen
ekitaldian hainbat musikari izan dira Bilboko KAFE
ANTZOKIAn eta IRRATIA.COMek emanaldia zuzenean emitituko du.
Sakatu
HEMEN emanaldiaren grabazioa entzuteko.
Erabateko
primizia moduan eta diskaren aurrerapen bezala hementxe aurkezten
dizkizuegu bertako bi kanta mp3 formatoan:
CABB:
"Human"
(Tolouse).
B-SELECTOR
/ FIN DE SIÈCLE : "Be
Dub Remix" (Paris/London).
___________________
APIRILAK 25
Ignacio
Ramonet
Globalizazioaz
eta beste
Le
Monde Diplomatique aldizkariko zuzendaria irratia.com euskal
irrati digitalean izan dugu. Bideobigilantzia eta pentsamendu
bakarraren segurtasunaren arriskuetaz, globalizazioaz, pentsamendu
bakarra, teknologia berriak, herri eta kultura txikien etorkizuna
eta datorkigun mundu berriaz aritu da.
Elkarrizketa
ENTZUTEKO.
Elkarrizketa
GEHIAGO
entzuteko.
___________________
APIRILAK 24
Durango
Party Jalgi Hadin
Bertako
arduradun batekin solasaldia bihar
Iragan
asteburuan DURANGO PARTY
izeneko bilera izan zen Durangon. Bertan, informatikari eta informatikazaleak
bildu ziren elkarri euren proiektuak, programazio trikimailuak
eta demoak erakusteko, kontaktuak egiteko eta elkarrekin asteburua
ondo pasatzeko. Landako
kiroldegian izan dira hiru egunez, 135 lagun inguru edo.
Asteazkeneko
elkarrizketarako party-ari buruz mintzatuko gara zuzenean Anartzekin,
Durangoko internauta, animazio egile eta ACID elkarteko partaideagaz.
www.durangoparty.org da beraien gunea, euskaraz ere badago eta
EUSKAL PARTYren antzerako
gauza izan da.
MARTXOAK 29
KORRIKA
egunero IRRATIA.COMen
Lasterketa
jarraituko dugu bertatik bertara
IRRATIA.COM
Euskal irrati digitala KORRIKArekin
abiatuko da gaur Gasteiztik eta egunero albistegia eskainiko du
20.00etan, eguneko ibilbidea, gorabeherak eta pasadizuak komentatuz,
elkarrizketak eginez eta hurrengo egunerako iragarpenak aurreratuz,
lasterketatik bertatik.
Inoiz
egin dugun ahaleginik handiena eginez, 2.340 kilometro egingo
ditugu KORRIKArekin, egunero irratsaioak leku ezberdinetatik eginez,
KORRIKA mundura zabaltzeko ahaleginean. Gasteiz,
Gorliz, Bilbo, Ondarroa, Elgoibar, Etxarri, Iruñea, Garazi, Hernani
eta Baionatik emitituko ditugu egunero mundu osorako gure albistegi
bereziak euskal irratiak lotuko dituen lasterketa radiofonikoan.
Badakizue: egunero arratsaldeko zortzietan, konekta zaitezte KORRIKArekin.
___________________
MARTXOAK 28
EZLN
Mexikoko kongresuan
IRRATIA.COMek
zuzenean eman zuen
EZLNko
buruek Mexikoko kongresuan eginiko mintzaldiaren emisioa egin
dugu zuzenean. Askok
Marcos azpikomandanteak hitza hartuko zuela espero bazuten ere,
EZLNko beste buru batzuk aritu ziren, aurpegia estalita, kongresuari
indigenen legea egin dezan galdatzeko. Lehenengo berbaldia, Ester
komandanteak egin zuen. Lehenengoa eta gure iritziz aipagarriena
izan zen emakumezko indigena honek egindako berbaldia. Horregatik,
horren grabaketa aukeratu dugu hemen entzun dezazuen. Mozketak
gorabehera eta hasierako zatia falta den arren, oso hitzaldi hunkigarria
eta indartsua izan zen dudarik gabe.
___________________
OTSAILAK 21
MCD
taldearekin elkarrizketa
Hurrengo
diska sarean publikatuko dute doan
MCD
taldeak hurrengo diska MP3 formatoan argitaratuko du Interneten
eta guztiz doan, taldeko kide Niko Vazquezek zuzenean IRRATIA.COM-i
jakinarazi dionez. Euskal musikagintzaren historian urrats hau
emango duen lehendabiziko euskal taldea izango da Bilboko punk-rock
talde mitiko hau.
Internautek
zuzenean saretik eskuratu ahal izango dituzte kanta guztiak, baita
diskaren azala eta beste irudi guztiak, nork bere etxean CDa osatu
ahal izateko. Nikok adierazi digunez, "nazkatuta geunden gure
diskak dendetan sekulako salneurrietan ikusteaz, gainera guk hogerleko
bat bera ere ez ikusteko, dena bitartekariek eramaten baitute.
Horregatik, inoren poltsikoak bete barik, diska honela argitaratzea
bururatu zaigu". Kantak ez dira denak aldi berean aterako, grabatu
eta nahastu ahala jarriko baitituzte sarean eskuragarri.
Erabaki
bitxi honen gainean eta euskal musikagintzaren ostertze digitalari
buruz mintzatzeko gurean izango ditugu MCDko kideak bihar, asteazkena,
gaueko 21etatik 22etara astero egiten dugun Jalgi Hadi Dantzarat!
irratsaioan. Beti bezala, entzuleek zuzenean saioan esku hartzeko
eta galderak egiteko aukera izango dute chat-aren bidez.
___________________
URTARRILAK 29
Sareko
Argia Saria 2001 IRRATIA.COMentzat
Sarean
euskal komunikazioa saritzen du aldizkariak
Interneten
euskarazko komunikazioa saritzen duen saria jaso du IRRATIA.COMek.
2001ko Sareko Argia Saria urtarrilaren 26an eman ziguten Lasarten.
___________________
URTARRILAK 4
Elkarrizketa
Dank taldearekin
Gitarrak
eta samplerrak euskaraz Iruñetik
Iruñeko
talde honekin elkarrizketa egin dugu taldeko abeslaria den Imanol
Goñirekin. Dank programaketak eta soinu digitalak arazorik
gabe gitarra gogorrekin konbinatzen dituzten talde bakanetarikoa
da oraingoz. Imanolek azaldu digunez, «Pixkanaka, teknologia
berriak musikan sartzen dituzten taldeak sortzen doaz, ez dut
uste euskaldunak teknofoboak garenik».
Joera
horren beste erakusgarri bat: diskan hiru minutuko bi bideoklip
eta pista interaktiboa gehitu dute. Hemen, elkarrizketa entzuteaz
gain, Dank-en bideoklipa ikusi eta abesti bat jaitsi ahal izango
duzue.
___________________
2000.
urteko saioak eta albisteak ikusteko sakatu hemen.
