Euskal
kultura digitala?
Zeresanik
duten batzurekin elkarrizketak
Euskal
kultura digitalizatu, kultura digitala euskaldundu. Gure leloari jarraitu
nahi diogu eta hainbat eragileren gogoetak bildu, ekimen honek gure xede
horiek lortzen lagundu dezakeelakoan. Oraingoz nahiko argi dago euskal
kultura digitalik, berezkorik, ez dagoela. Baina gure kulturak ezinbestez
jo beharko du bit-etara, hasi berri dugun milurtekoan bizirik jarraitu
nahi badu bederen.
Euskal
Herriaren panorama orohar eta euskalgintzaren beharrizan digitalak dira
gure gai nagusiak. Noski, gonbidatu bakoitzak bere esparrutik hitz egingo
du eta berari dagokiona azalduz, baina espero dugu mundu txiki hau abian
jarri nahian gabiltzanok elkar hobeto ezagutu eta beraz elkarrekin lan
egin ahal izango dugula aurrerantzean. Hona hemen gure ekarpena.
Elkarrizketa
Alex Lamikizekin
Bitniks
aldizkariko zuzendaria dugu Lamikiz. Bilbon egiten den ziberkulturaren
aldizkari digital hau gaztelaniaren esparruan puntakoenetakoa da. Lamikizek
azaldu digu 1996tik hona aldizkariak eginiko ibilbidea eta Euskal Herrian
artista digitalak, gizarte digitalari buruzko pentsalariak eta hainbat
proiektu interesgarri badirela kontatu digu.
Elkarrizketa
Josu Amezagarekin
UPVko
irakasle Josu Amezagak Euskal Herriak hemen kontsumitzen ditugun komunikabide
nagusietan duen presentzia aztertu du ikerketa batean. Komunikazio esparru
izatetik oso urrun dago gure herria ohiko hedabide horietan.
Teknologia
berrien esparruan, Amezagaren aburuz "globalizazioa dakarkigu teknologia
aurrerapenak eta hori da arazoa, ez teknologia baizik eta globalizazioa".
Horren aurrean gure aukerak baditugu, baina arriskuak inoiz baino handiagoak
dira: arriskuak, globalizazioak kultura txikientzat dakarren erronkari
aurre egin beharko diogulako, uniformizazioari. Aukerak badira eta baliatu
behar dira. Satelite bidezko telebista erabili daiteke baina ETBren Canal
Vasco-k gehiena erdaraz igortzen du. Internet ere oso baliagarria dela
baina egun euskalgintzaren aldetik behar bezala ez dela erabiltzen dio
Amezagak.
Elkarrizketa
Fermin Lazkanorekin
Euskal
komunitatearentzat Internet zerbitzuak eskaintzeko sortu den PLAZAGUNEA
enpresako bultzazailea dugu Fermin Lazkano eibartarra. Besteak beste, EUSKALERRIA.ORG
doako posta zerbitzua sortu du enpresak. Plazagunearen asmoez, esku artean
dituzten proiektuez eta euskal sarearen egoeraz bere gogoetak entzun ditugu
elkarrizketan.
Elkarrizketa
Goio Telletxearekin
Ostiralero
berak egiten duen "Aldatu txipa" atalak euskal sarearen garapenari erreparatzen
dio bereziki GARA egunkariaren Gazte
Algara gehigarrian. Halaber, Telletxeak "Txalapartatik modem-era" liburua
plazaratu zuen abenduan. Gidaliburu honetan, sareko euskal edukietan ibiltzeko
leku interesgarrien bilduma egin zuen egileak, Kaixo eta Aurki bilatzaileetatik
ateratako 300 helbide eta haien gaineko azalpenak emanez.
Elkarrizketa
Xabier Etxebesterekin
Xabier
Etxebeste, Interneten buru belarri murgilduta dagoen iruinsemea da, egun
Yahoo-ko arduraduna Espainian, Yahoo da hain zuzen ere, munduan bisitatuena
den ataria eta "puntucom" enpresetan aitzindaria.
Interes
berezia du Etxebestek euskarak Interneten bere lekua izan dezan. Horretara
bideratuko dizkiogu gure itaunak, euskaldun moduan gure herria eta gure
hizkuntzaren etorkizuna sarean bermatua izan dadin bere ikuspegia zein
den jakiteko.
Elkarrizketa
Niko Vazquezekin
MCD
taldeak hurrengo diska MP3 formatoan argitaratuko du Interneten eta guztiz
doan, taldeko kide Niko Vazquezek zuzenean IRRATIA.COM-i jakinarazi dionez.
Euskal musikagintzaren historian urrats hau emango duen lehendabiziko euskal
taldea izango da Bilboko punk-rock talde mitiko hau. Erabaki bitxi honen
gainean eta sareari buruz mintzatu gara Niko Vazquezekin. Niko euskal.com-eko
arduraduna da, grafista, internauta eta AMZ taldearen sortzaileetakoa..
Elkarrizketa
Ignacio Ramonetekin
Le
Monde Diplotique aldizkariko zuzendaria irratia.com euskal irrati digitalean
izan dugu. Bideobigilantzia eta pentsamendu bakarraren segurtasunaren arriskuetaz,
globalizazioaz, pentsamendu bakarra, teknologia berriak, herri eta kultura
txikien etorkizuna eta datorkigun mundu berriaz aritu da.
|
