Izaera-helburuak
Euskal
irrati digitala da, Interneten bitartezko euskal irratia. Ez da irrati
emisora bat, ez du uhinen bidez emititzen. Hala ere, gure programazio propioa
egingo dugu, zuzeneko emanaldiak barne. Gainera, hainbat irratiren edukiak
hartu eta sarearen bidez zabalduko ditugu eta, azkenik, euskal musikaren
ezagutza munduan zehar hedatuko dugu hainbat kanalen bitartez. Saiorik
interesgarrienak eta euskal musikarik onena hemen aurkituko dituzu.
EUSKAL
IRRATIA - Euskal irrati digitala duzu hau. Mundu osorako bere seinalea
euskaraz eta euskal edukiak mundura zabalduz arituko gara eguneko 24 orduak.
Orain arte, mundu osoko irratiak eta telebistak gurera noiz helduko zain
izan gara. Bada garaia guk mundura gurea igortzeko. Jakingo dute zeintzuk
garen eta hemen egiten dena entzungo dute, gure hizkuntza eta gure musika:
we are Basque and we are proud.
iRRATI
TXIKIAK - Irrati libre eta herri irrati txikien indarrak bildu eta makroirrati
euskaldun bat eraiki nahi dugu. Horretarako, euskaraz aritzen diren irrati
txikiei laguntza emateko xedea dugu ere bai, sarean sar daitezen, gure
laguntza teknikoa eta azpiegitura txikia eskainiz. Irratsaiorik interesgarrienak
irrati txikien eremu murritzetik atera eta euskaldun guztien esku jartzeko
asmoa dugu. Gure planteamenduaren aldetik irrati libre euskaldun bat gara,
formato aldetik ohikoa den emisio analogikotik erabat ateratzen bagara
ere.
EUSKAL
MUSIKA - Euskal musika bere eremu urritik kanpo atera nahi dugu, mundu
osoaren eskura jarrita. Hainbat kanal sortu ditugu horretarako, musika
motaren eta garaiaren arabera sailkatuta. Euskal musika ezezik, euskal
DJ-en lanak erakusteko aukera izango dugu. Gure irratiaren %100 berton
egina izango da.
EGILEEN
ESKUBIDEAK - Euskal egileen lana ezagutarazteko bidea zabaldu nahi dugu
sarean, haien eskubideak uneoro errespetatuaz. Hortaz, ez dugu download
egiteko inongo materialik jarriko, aldez aurretik egilearekin hala adostu
ez badugu. Stream jarioari dagokionez, berriz, grabagaitza da eta bere
kalitate eskasagatik (AM kalitatea) musikaren ideia bat egiteko balio du.
Ez du inoiz CD ezta FM irrati baten kalitatea erdietsiko eta beraz, musikaren
erosketa ordezkatzeko ez du balio baina berau orientatzeko lagungarria
izatea espero dugu.
Hala
ere, honetaz aparte, gure iritziz euskal egileen eskubideak Euskal Herrian
geratu beharko lirateke eta euskal kultura onuratu. Gai horren inguruan
eztabaidak eta ekimen zehatzak aurrera eman behar direla uste dugu.
NORTZUK
GAREN - hiru zaletasun batera ditugun lagun taldea gara: irratia, musika
eta Internet. Komunikazioa, azken finean. Zeuk zaletasun horiek ere badituzu
eta eremu honetan ekarpenen bat egiteko prest bazaude(te), jar zaitez(te)
gurekin harremanetan.
NON
GAUDEN. Hemen aurki gaitzakezu:
Irratia.com
604.
Postakutxa
48080
BILBO
|