irratia.com 2.3 | Basque digital radio » Sareko irratiak

Ttan Ttakun irratiarekin elkartasuna

ptx — Thu, 16 Sep 2010 20:11:48 +0000

Guardia Zibilak, bere azken sarekadan Egiako gazte lokala prezintatu du. Eraberean, Ttan Ttakun irratira sartu, ordenadoreak eraman eta emisioa eten du.

Adierazpen Askatasunaren alde. Ttan ttakun aurrera!

Herri irratigintzari buruzko erreportaia

ptx — Fri, 05 Feb 2010 22:04:24 +0000

8. kalea bideo sorta ari da egiten aspaldion Ibaizabal Telebista. Bilbo eta inguruetako gaiak lantzen dituzte normalean, eta berriki herri irratigintzari buruzkoa egin dute. Bilbo Hiria irratia, Bilboko Irola eta Tas Tas irrati libreak, Uribe Kostako Koska irratia eta Lutxanako Zopinpa irratia.
Irratia.com emankizun bat grabatzen ere egon ziren Ibaizabalekoak, eta gure saioko irudi eta soinuak ere txertatu dituzten beraien erreportaira.

8. kalea

mila esker Ibai!

168. saioa: euskarazko irratigintzaren erronkak

ptx — Mon, 01 Feb 2010 20:39:57 +0000

Hiru gonbidatu izan ditugu irratsaioa egiteko orduan: Iruñeatik, Euskalerria irratiko teknikari Ibon Gaztanbide; urte luzetan Euskadi Irratiko esatari izandako Susana Mujika kazetariarekin mintzatu gara gero; azkenik Hondartza parean harrapatu dugu Makala disko jartzaile eta musikaria.

Argazkiak.org | irratigintza euskalduna © cc-by-sa: gaztelumendi
Irratia bizitzeko eta egiteko hiru modu ezberdin eta interesgarri erakutsi digute Ibon, Susana eta Mikelek.
Entzun gura baduzue:
Saioa eskuratzeko HEMEN klikatu.

egunkarialibre.info irrati saio berezia

ptx — Thu, 17 Dec 2009 16:00:14 +0000

Abenduaren 19an manifestazio nazionala Bilbon.

irratia.com eta egunkarialibre.info auzolanean. Bilbo Hiria irratitik zuzenean arratsaldeko 17:00etatik aurrera.

Manifestazioa, iritziak, Egunkariako auzipetuak, elkartasuna, jendea, irrintziak, oihuak, salaketa, elkartasuna, kalea, mobilizazioak, argazkiak, irudiak, zuzeneko irudiak, musika, ahotsa, mezuak…

Irrati emankizuna FMtik (96.0 fm) zein Internetetik zuzenean, mundu osora. Auzolanean egindako saioa izango da, jendea kalean, telefono irekia, mikrofonoak partehartzea bultzatzen. Twitter mezuak, argazkiak, komentarioak… sareko emankizun solidario bat.

Saioa entzun edo eskuratzeko HEMEN klikatu.

EHZ irratia.com zuzenean Heletatik

ptx — Tue, 07 Jul 2009 06:52:35 +0000

Euskal Herria Zuzenean zuzenean bizi eta gero, aurtengoan saioa egin dugu Heletako plazatik bertatik. Info7 irratiaren estudioan izan gara gu ere, eta irratia.com berezi bat egin dugu, orain podcast bezala aurkezten dizueguna.

Festibaleko hiru egunen errepasoa, musika, ekitaldiak. Jaialdiaren bilana egin digu Eneritz Zabaleta antolatzaileak, eta zuzeneko jarraipenean arreta berezia jarri dugu. Besteak beste EHZ festibaleko webmasterra den Peio Etxegoin izan da gurean, zuzenean. dugu zuzenean.

Saioa eskuratzeko HEMEN klikatu.

irudiak: ehz-festibala.com

87. saioa: Silicon Valleytik Iruñeara

ptx — Tue, 05 Jun 2007 15:52:12 +0000

Saioa entzuteko HEMEN. Silicon Valleytik heldu berri, Gari Araolazak irratia.com emankizunean kontatu ditu Kalifornia aldeko kontu eta pasadizoak. Where 2.0 konferentzia, Google garatzaileen eguna eta wherecamp akanpadako berri eskaini digu.

Irratsaioaren bigarren zatian Euskalerria irratiko Juan Kruz Lakasta esataria izan da gurean, Entxuferik gabe jaialdia aurkezten.

70. saioa: Uhinak.net eta danbaka)))

ptx — Tue, 16 Jan 2007 18:00:52 +0000

Saioa entzuteko HEMEN. Beti da pozgarria Interneten irrati bat gehiago dagoela jakitea, are gehiago gertukoa bada. Laudiotik Uhinak irrati libreak Interneterako jauzia eman du aste honetan, eta bertako partaide den Mikelekin izan gara berbetan.

Albisteak 2.0 atalean albiste teknologikoak landu ditugu, eta arreta berezia jarri diogu bazkaria 2.0 ekimenari. Bukatu da Danbaka lehiaketa ere, eta bertako finalisten kantuak jarri ditugu musika librearen tartean. Musika librearen tartean murgilduta kantu gehiago ere entzun ditugu.

65. saioa: Radiokultura.com, Juanba Berasategi eta Netlach

irratia.com — Tue, 14 Nov 2006 20:46:15 +0000

Saioa entzuteko: HEMEN. Radiokultura.com-ek urtea bete du eta webgune berria bisitatuz hasi dugu saioa. Juanba Berasategi zinemagilea elkarrizketatu dugu gero. Abaddia saria eskuratuko du. Oso tipo interesgarria. Elkarrizketa mamitsua.
Albisteak 2.0: Interneteko aktualitatea aipagai. Marrapuntu.org batetik, wikipediako 15.000 artikuluak, Gorka Moskutik edota beste albiste batzuk. Ostean, Netlacheko egitaraua hartu dugu hizpide. Interesgarria oso.

40. saioa: Zapatistak eta Hala Bedi irratia

ptx — Tue, 07 Feb 2006 21:55:24 +0000

Marcos komandanteordeak Hala Bedi Gasteizko irrati librean mezua igorri duen egun berean, Hala Bediko lagunak eta zapatistak izan ditugu hizpide gure irratsaioan. Marcos komandanteordeak Radio Insurgente -Mexikoko oihanetik emititzen duen irrati zapatista- baliatu du bere mezua Euskal Herrira igortzeko.

Marcosen mezua entzun ostean,Hala Bedi irratiko partaide bat izan da gurekin. Irrati libreak eta Internet, blog berria eta Hala Bediren dinamikak izan ditugu hizpide. Irrati bizi bizia da Arabakoa eta luze aritu gara horren gainean.

Teknologia berrien gaineko albisteak jorratu ditugu ostean, ohi bezala. Saioa entzun gura baduzu, egin klik HEMEN.

36. saioa: Euskal irratiak hizpide/ EZLN eta Bolivia

ptx — Tue, 10 Jan 2006 17:02:56 +0000

Azti Begia elkartea prestatzen ari den Info 7 irrati berria urtarrilaren 27an aurkeztuko da Urruñan. Euskal Herri osorak irratia izango da eta Interneten emititzen hasiko da, satelite bidez eta FM bidez ere jasotzeko aukera izango dugu aurrerantzean. (Gara, Berria).

Euskal irratietatik bidaia egin dugu, dialean bezala Internetetik. Herrialdez herrialdeko errepasoa egin dugu, eta hainbat berri eta gertakizun topatu ditugu parean. Euskalerria irratiaren afera izan dugu hizpide, garaipen moduan hartu dute Nafarroako gobernuarekin duten kontu hori, lizentziak ukatzea eta ondorioz subentziorik ez ematea.

Ipar Euskal Herrian Gure Irratiaren egoerez mintzatuz hasi gara, eta ostean hango euskal irratien panorama aztertu dugu. Lapurdin bi irrati euskaldun: Antxeta eta Gure Irratia. Behe Nafarroan Irulegi irratia eta Zuberoan Xiberuko botza. Horrez gain, oraintsu basqueradio.com eta radiokultura.com proiektuak abiatu dituzte, Interneteko irrati gisa, ekimen berritzaile eta moderno. Entzungarri, eta guk saioan bertan eskaini ditugu, ordenadoretik entzunda.

Arabako Hala Bedi, Gipuzkoako Zintzilik, Bizkaiko hiriburuan; Bilbo Hiria, Irola eta beste zenbait ere hizpide izan ditugu saioan zehar.

Mexiko eta Bolivia
Gure irratsaioan Euskal Herritik abiatuta Mexiko eta Boliviara heldu gara. EZLN izan dugu hizpide hasieran Ramonaren heriotzaren karietara, La otra campañaren berri eduki eta Marcos sub-aren bloga ere ikusi dugu. Bolivian Evo Moralesen gunetik, beste zenbait gune eta kultura indigenen berri izan dugu. Cocari buruz beraiek duten pentsaera irratitik irakurri dugu.

Saioa eskuratzeko egin klik HEMEN.