Archive for the ‘Gurean asteon (podcast)’ Category
Astelehena, Martxoa 8th, 2010 |
Argazkiak.org | webtv web telebista telebista Interneten |
© cc-by-sa: gaztelumendi.org
Ikusentzunezkoak eta sarea hartu ditugu hizpide. Telebista, bideoak, Internet, webtv… ohikoak bilakatzen ari zaizkigu. Testuingurura hurbiltzeko Bilbon burututako videoweb10 jardunaldia, Eskoriatzan burutu beharreko Komunikaldiak edota, 2009an burutako Greba orokorra eta Egunkaria libre emisioak hartu ditugu.
Ikusentzunezkoen koloretako iraultza marrazteko Gorka Julio Teketen izan da gurean. Ordenadore bat, kamara ttiki bat eskuan, ideien zirriborroak eta diskurtso koherentea eskaini dizkigu. Eta hainbat gogoeta egin ditugu, sareaz, euskal hedabideetaz, ikusentzunezkoen etorkizun hurbilari buruz.
Musika lagun, sareko loturak eskainiz, saio multimedia egiten eta osatzen saiatu gara. Azkenerako esperimentu ttiki bat egin dugu, telefono batekin irudi batzuk zuzenean eskainiz saretik.
Saioa eskuratzeko HEMEN klikatu.
Posted in Gurean asteon (podcast), irratia.com | No Comments »
Astelehena, Martxoa 1st, 2010 |
Global funk jaia asteburuan Bilboko kafe antzokian. Dj Dusty, Arka eta Makal festa batean. Global funk proiektua zer den ezagutu aurretik, musika jartzeari ekin diogu, musika globala eta lokala uztartuz…
Jazz&milk disketxea, Fermin Muguruzaren hurrengo musika geltokia, The Clash taldearen bertsio berezi bat edota funky doinu ezberdinak.
Podcast musikala atera zaigu, lantzean lantzean albiste teknologikoren bat sartuaz, blogetako aipamenak edota independentistak.net sarearen berri emanez. Ohi dugunez, sarean dantza eginez.
Argazkiak.org | Globalfunkers.com irratian
© cc-by-sa: gaztelumendi
flickr.com | Arka dj pintxatzen
© cc-by-sa: global funkers
Saioa eskuratzeko HEMEN klikatu.
Posted in Gurean asteon (podcast), Musika albisteak | No Comments »
Astelehena, Otsaila 22nd, 2010 |
Asel Luzarraga elkarrizketatu dugu irratia.com emankizunean. Txilen espetxeratuta egon ostean, etxeko atxiloaldi egoeran dago egun. Txiletik Euskal Herrira egiten duen lehen elkarrizketa honetan, bere egoeraren berri, gertaerak, akusazioen berri eman digu. Umorerik ez du galdu euskal idazle eta blogariak. Gogotsu mintzo da Anarkismoaz, maputxeen eskubideetaz, maitasunaz eta Euskal Herriaz.
Aselaskatu.org ekimenko partaide bat ere gurean izan da, auzolanean egin dugun saio honetan. Mila esker Dabid!
videoweb10
Internet sarea, bideo sorkuntza… batuko dira asteburu honetan Bilbon ospatuko diren videoweb10 topaketetan. Arantza Garces Nickdutnik saioko aurkezleak bideogintza eta sareaz mintzatu zaigu, bideosortzaileen topaketa aitzaki moduan hartuta.
Saioa eskuratzeko HEMEN klikatu.
Posted in Gurean asteon (podcast), irratia.com | 1 Comment »
Asteartea, Otsaila 16th, 2010 |
EZgae eta Ramontzin aztertzeko, umorea eta kritika tarteko, saio borobila atera zaigu, oso oso musikala, zelan ez. RAMONez.
Rockanroll radio, lets go! Nola aldatzen diren gauzak, Kamarada! eta beste hainbat hit aipatu ezin direnak.
Saretik ekarri dugun musika, la lista de sinde zerrendari erreparatuz. Putasgae.info klik egin eta grileterik gabeko kultura aldarrikatuz.
Ramoncin abeslariak ARGIA astekarian, 1985eko urrian: Oso ondo sentitzen naiz zuen artean
Saioa eskuratzeko HEMEN klikatu.
Posted in Gurean asteon (podcast), Musika albisteak, irratia.com | 2 Comments »
Astelehena, Otsaila 8th, 2010 |
Software librearen Europako hiriburua bilakatu da Flandriako Brusela asteburuon. Euskaldunak ere izan direnez bertan, Mikel Iturbe gonbidatu dugu irratira. Bertan ikusi eta ikasitakoaz mintzatu zaigu, eta software libreak gurea bezalako hizkuntza eta komunitatean duen garrantziaz aritu gara.
albisteak 2.0
Albiste teknologikoak hartu ditugu gero hizpide. Gure eremu hurbilean zein urrutiago gertatuakoak ekarri ditugu gure albistegi digitalera. Aspaldiko partez, eta horregatik notizia ugari sartu beharrean aurkitu gara.
euskal kultura digitalaz
10 urte irratia.com sortu zela, eta euskal kultura digitalizatu eta kultura digitala euskalduntzeko saiakera da gurea. Zelan dago gure kultura sarean? Euskarak ze leku betetzen du gure eguneroko ordenagailu aurreko jardunean. Euskal kultura digitala, badago egon? Azken hamar urteotan aldatu dira gauzak bai, eta pozik ere bagaude gu, zelan ez. Hontaz eta hartaz berba egin eta gero, Bertso Egunean Maddalen eta Mirenek jarritako bertsoak entzun ditugu. Entzutekoak direlako, besteak beste.
Gure hizkuntza eta kulturaren kezka badugunez, axola digute ere beste hizkuntza eta kultura txikiek ere. Bo hizkuntzaren gaineko kezka adierazi dugu azkenik, azken hiztunaren berbak entzunez agurtu dugu saioa.
Aka Bo hizkuntza euskarazko wikipedian.
Saioa eskuratzeko HEMEN klikatu.
Posted in Gurean asteon (podcast) | No Comments »
Astelehena, Otsaila 1st, 2010 |
Hiru gonbidatu izan ditugu irratsaioa egiteko orduan: Iruñeatik, Euskalerria irratiko teknikari Ibon Gaztanbide; urte luzetan Euskadi Irratiko esatari izandako Susana Mujika kazetariarekin mintzatu gara gero; azkenik Hondartza parean harrapatu dugu Makala disko jartzaile eta musikaria.
Argazkiak.org | irratigintza euskalduna © cc-by-sa: gaztelumendi
Irratia bizitzeko eta egiteko hiru modu ezberdin eta interesgarri erakutsi digute Ibon, Susana eta Mikelek.
Entzun gura baduzue:
Saioa eskuratzeko HEMEN klikatu.
Posted in Euskal irratiak, Gurean asteon (podcast), Sareko irratiak, irratia.com | No Comments »
Asteartea, Urtarrila 26th, 2010 |
Mikel Laboa izan dugu gogoan. Bere eraginak, bere gustuko musika eta autoreak. Testuinguruan jarri dugu Mikel Laboaren ibilbide artistikoa, musikala… Ibon Rodriguez musikari eta musikazalea eta Julen Azpitarte kazetari musikazalea gonbidatu ditugu gurera. Diskoak, biniloak, mp3 kantuak, wikipediako apunteak, biografiak…. zer ez duten estudiora ekarri gure bi lagunek. Saio interesgarria, jakintza sozializatzeko gogoa, kantu eta musika zaletasuna bor borka…. denetarik.
Saioa eskuratzeko HEMEN klikatu.
Posted in Gurean asteon (podcast), Musika albisteak | No Comments »
Astelehena, Urtarrila 18th, 2010 |
To shoot an Elephant egun globala, urtarrilak 18. Eguzki Bideoak kolektiboko kideak izan dira gurean. Dokumentala, Palestinako egoera, Alberto Arceren proiektua, lizentzia librea, emisio globala… eta beste hainbat gai hartu ditugu hizpide.
Euskal Herrian 50 emanaldi inguru, eta mundu mailan 300 proiekzio egin diren egunean. Ekimen globala, Iruñeatik mundura. irratia.com ere partaide izan da ekimen honetan pentsatu lokalki eragin globalki mezua geure eginez, beste behin.
toshootanelephant.com euskaraz eta mundu osoan
eguzkibideoak.info ekoiztetxe independientea Iruñea (EH)
deabruak teilatuetan
colemans*
Datorren ostegunean kontzertu polita izango dugu Bilboko Kafe Antzokian. Deabruak Teilatuetan eta Colemans+
Tolosarrek 1973 diskoa kaleratu zutenetik egingo duten azken kontzertua izango da, eta Colemans berriz, hasi berriak dira; bigarren kontzertua dute hau. Deabruak Teilatuetan taldeko partaide bat eta Colemanseko beste jokalari bat elkarrizketatu ditugu. Kantu onenak jokaldi bihurtu ditugu, musika kirol, nostalgia aitzaki eta Antzokia San Mames.
Sarrerak aukeran
Nazioarteko ekimen bat, maila lokaleko kontzertu batekin. Hori da irratia.com pentsatu lokalki / eragin globalki. Ze urtetan sortu zen irratia.com? Deabruak eta Colemans ikusi gura badituzue, aski duzue urtea esan, eta aurtengo urteurrenerako proposamen bat bialtzea. Ados?
Saioa eskuratzeko HEMEN klikatu.
Posted in Gurean asteon (podcast), irratia.com | 5 Comments »
Astelehena, Urtarrila 11th, 2010 |
#Asel askatu esanez eta Fermin Muguruza eta Manu Chaoren Maputxe kantuagaz abiatu dugu 2010eko lehen saioa. Ozen eta argi. Podcast hau ere, Txilen edo Euskal Herrian libre entzun dezan abeslari, idazle eta blogari euskaldunak.
Joxe Rojas Teknopata blogaria izan da 2009ko urtea sarean gugaz batera komentatu duena. Oso elkarrizketa interesgarria izan da, solasaldi tekno/sozial/kultural mamitsua egin dugulakoan.
2009koak errepasatu eta 2010erako nondik norakoak aurrikusten ere egin dugu gure ahalegina, Joxe Rojas, Jabi Zabala eta Patxi Gaztelumendik.
Saioa eskuratzeko HEMEN klikatu.
Posted in Gurean asteon (podcast) | 1 Comment »
Asteazkena, Abendua 16th, 2009 |
Euskal Herriko bertsolari txapelketako finalaren biharamunean, Maialen Lujanbio txapeldunaren agurrarekin abiatu dugu saioa, eta Mikel Laboaren doinuekin. Eta Xabier Amuriza izan da gurean, txapelketaz berba egin dugu lehenengo, bertsolaritzaz, emakume batek irabaztea eragin zion negarraz, eta pozaz. Eta txapelketako gaiak ere modu kritiko batean aipatu ditu Xabier Amurizak.
Bertsolari eta idazle dugu Xabier Amuriza, eta bere azken Olatu bat kuartelen gainetik liburuaz berba egiteko parada hartu dugu. Sortzaile den aldetik. Interesgarri 60. hamarkadako borborra zelan kontatu digun gazteagoei.
badok.info
Musikarekin jarraitu dugu, euskal kulturaz jarduten garen saio honetan. Euskarazko musikagintza berriak, kantagintzak, rockak atari berria du Interneten: badok.info Jon Eskisabel Berria egunkariko kazetariak atariaren inguruko xehetasunak, prozesua bera azaldu digu. Sekulako webgunea da badok.info interesgarria entzuteko, irakurtzeko, bideoak ikusteko. 60. hamarkadatik gaur egun arteko kontakizun bizia, multimedia.
Egunkaria Madrilen
Eta Jon Eskisabelek bereziki aipatu du Martxelo Otamendi Egunkaria eta Berriako zuzendaria. Bere gogoa eta indarrarekin egin eta osatu dela badok.info eta zelan agurtu dituzten Madrilera bidean, epaiketara. Elkartasunaz berba egitean, guri ere begiak busti eta ahotsa moteldu zaigu. Historiaren taberna kantua eskaini diegu, zelan ez.
Saioa eskuratzeko HEMEN klikatu.
Posted in Gurean asteon (podcast), Musika albisteak | No Comments »
