Kategoriaren artxiboak: irratia.com

96. saioa: Gora Gu ta gutarrak eta irratia.com

Saioa entzuteko HEMEN. Durangoko azoka gertu dagoenez, disko ekoizpenak berriro ere gora egin du Euskal Herrian. Bitartean Wall Street Journal egunkarian euskarari buruzko zenbait ardikeri irakurri ostean, Otxandion lekutu gara. Gu ta gutarrak taldearen estudio eta entsaio lekuan. Grabazioa, kantua, elkarrizketa denetarik ekarri dugu Otxandioko Mekoletatik.
Ostean albisteak 2.0 (albiste teknologikoak) eta zenbait kantu entzun ditugu, ohi legez. Euskaraz, Internet, irratigintza eta musika uztartzea posible delako. Interneteko artzaiak gu!

90. saioa: Dani Gutierrez eta Delorean

Azken saioa entzuteko HEMEN. Denboraldi/ikasturteko azken saioa ekoiztu dugu. Kubako egoera teknologikoa izan dugu hizpide unibertsitateko irakasle Dani Gutierrez adituarekin. Injeniaria bera, software libre erabiltzaile eta bultzatzailea… hainbat proiekturi buruz mintzatu zaigu. Saioaren bigarren zatian berriz, DLRN taldeko Igor izan dugu. Zarautzen sortu taldea nazioartean bere lekua egiten ari dena.
Saio honekin agur esaten diogu denboraldiari eta ospatzeko EHZ festibalerat abiatuko gira.

88. saioa: Bigarren bizitza eta Internet Ipar Euskal Herritik

Saioa entzuteko HEMEN. Second Life asko aipatzen da aspaldion, eta guk ere bidaia egin dugu bertara, horretarako Ana Courier izan dugu laguntzaile. Bigarren bizitzari buruzko euskarazko bloga edukitzeaz gain, blogintzan aspaldian murgilduta dagoen neska da Ana. Elkarrizketa mamitsua izan da. Irratia.com Second Life horretan, lehenengo irrati euskalduna izateko, urratsak ere eman ditugu. Saioaren bigarren zatia, Bidaia taldearen musika entzunez abiatu dugu. Bertako abeslari Caroline Phillips gurekin izan da. Bidaian zen, baina tartea egin digu Interneti buruz eta bere enpresei buruz mintzatzeko.

86. saioa: Rob Malda Bilbon eta ARGIAn

Saioa entzuteko HEMEN. blogak 2.0 jardunaldietan Rob Malda Slashdot.org guneko sortzaile eta garatzailea entzuteko aukera izan genuen. Blogak 2.0 jardunaldiaren kronika egin, eta Gorka Bereziartua elkarrizketatu dugu gero. Gorkak elkarrizketa egin zion Maldari, ARGIA astekarian asteon argitaratzeko. Slashdot bakarrik ez, digg, 2.0 teknologia, kazetaritza… mintzagai ugari izan ditugu.
Ohi bezala, albisteak 2.0 albistegi teknologikoarekin amaitu dugu gure saioa. Gaurko saioan Barcelona Raval Session diskoko kantuak entzun ditugu.

85. saioa: blogak 2.0 eta Ubuntu tribe

Saioa entzuteko HEMEN. blogak 2.0 aurkezten hasi dugu saioa, eta horretarako Jose Del Moral gonbidatu dugu. Jardunaldia, startup 2.0, hazruido lehiaketa eta gure egoeraz mintzatu zaigu. Interneteko aditu, enpresari, sare sozialen bultzatzaile… elkarrizketa sakona izan da gaurkoa. Saioaren bigarren zatian, ubuntu tribe izan dugu hizpide. Orain artean izkutuan aritu dira marketing birala egiten, arrakasta handiarekin gainera. Elkarrizketa eta gogoeta mamitsuak egin dizkigu berak ere.
Albisteak 2.0 tartean albiste teknologikoen berri eman ostean, musika librearen tartean Desorduetan taldearen doinuak entzuten amaitu dugu saioa.

84. saioa: IEB07tik bueltan, web 2.0 Hemen

Saioa entzuteko HEMEN. IEB07 Informatikari euskaldunen bilkura burutu zen iragan astean Donostiako Miramonen. Ekitaldiari errepasoa eman, eta gaitik gaira sakondu ditugu. Twitter bidez, backchanel bidez… denetarik jarraitzeko aukera egon zen arren, guk errepaso digitala eman diogu orduko jardunaldiari.
Albisteak 2.0 atalean berriz, astero bezala inguruko albiste teknologikoak landu eta gonbidapena luzatu dugu, edonork irratiacom etiketarekin bildu ditzan.

83. saioa: Euskal Herria Kuba clash 2.0

Saioa entzuteko HEMEN. Talka tour 07 hasi ostean, eta Mexiko, Venezuela eta Kubara joan aurretik, gurean izan da Fermin Muguruza. Astelehenean abiatuta, bidaitxartela eskuan duela gure mikrofonoetan izan da bidai musikalaren berri emanez. Tokian tokiko egoeraren lekuko izango da Muguruza, eta itzultzerakoan berriz ere gurekin elkartzekotan gara.
Kubara jo dugu guk ere, cubainformacion.tv proiektu berria ezagutu dugu Helena Bengoetxearen eskutik. Telebista, irratia, aldizkaria eta informazioa biltzen dituen blokeo mediatikoaren kontrako ekimena da.

Azkenik, asteon ospatuko den Informatikari Euskaldunen Bilkura 07 (ieb07) izan dugu hizpide, horretarako Gorka Julio Teketen gurera gonbidatuz. Mikroformatuak ere hizpide hartu ditugu, bidenabar.

80. saioa: Saharako Zinemaldia hizpide

Saioa entzuteko HEMEN: irratia.com honetako Jabi Zabala Saharako errefuxiatu kanpamenduetara joana zela eta, bertako zinemaldia, webgune ezberdinak eta musika saharauiarekin saio berezia egin dugu. Saharatik.com guneari arreta berezia jarri diogu. Konexioa berriz ezin izan dugu burutu, saiatu saiatu garen arren. Programa ostean, harremanetan egon gara berriz.

Albisteak 2.0 atalean berriz, errepasoa eman diogu aktualitate teknologikoari. bildu.net gunean irratiacom etiketarekin topatuko dituzue gure albisteak.

63. saioa: Brad Will omenduz eta Xiberoko Botza entzunez

Saioa entzuteko: HEMEN. Brad Will Indymediako aktibista omenduz saio berezia egin dugu irratia.com emankizunean. Oaxacako egoeraren berri eman, eta Bilbon bertan Guggenheim museoaren aurrean egin den kontzentrazioarekin bat egin dugu, zuzenean. Mexiko, Indymedia, Oaxaca izan ditugu hizpide zelan ez.
Ostean, eta albisteen aurretik Xiberoko Botza irratiarekin ere izan gara, Aintzinarekin mintzatuz Interneteko gune berriaz eta Zuberoako irrati euskaldunari buruz.
Albisteak 2.0: Gaurkoan ere hainbat albiste izan ditugu hizpide. Irakurgai dituzu del.icio.us gure gunean, irratiacom tag edo etiketarekin.