Aste honetako saioan Informatikari Euskaldunen V. bilkuran ikusitakoaz jardun dugu. Beste gai batzuk ere aipatu ditugu: Euskal Kultur Erakundearen webgune berria, Googleren iragarkiak, Amazon-en OpenSearch tresna interesgarria 13 M, Multitudes Online liburua…

Entzungai berezi bi izan ditugu gaurko saioan: La Haine kontrainformazio webguneak argitaratutako diskoa eta R13 talde euskaldunak CC lizentziapean ateratako diskoa.

Saioa eskuratzeko egin klik HEMEN (MP3 56 Kbps mono, 24 MB).

Iragan igandeko blogarien bilkura izan dugu hizpide gaur, beste albiste batzuen artean (Google bideoak, blogak UEUn, katalanezko eta gaztelaniazko podcast bi, buztan luzea…), baina gaurko irratsaioko albiste nagusia zuzenean ari ginela gertatu da: Ratzinger jauna izendatu baitute “aita santu” Erroman eta zuzenean jakinarazi digu Eibartik Eneko Astigarraga entzuleak, Skype erabiliz.

Azkenik Firefox nabigatzaile librearen behin behineko euskarazko bertsio osoa agertu dela ere nabarmendu dugu gaurkoan, Librezalen eskuragarri dagoen 1.0.3 bertsioa. Eta gure burua ere izan dugu mintzagai, Oier Gorosabelek gure teknofiliaren argumentazioa xaxatzeko idatzitako testuaren zuzuan.

Saioa eskuratzeko egin klik HEMEN (MP3 56 Kbps mono, 25 MB).

Datorren igandean Elgetako Espaloia kafe antzokian egitekoa da euskal blogisten estraineko topaketa. Bertako sustatzaile eta Sustatuko zein Goiena.net-eko editore Iban Aranzabalekin hitz egitekoak ginen honen inguruan baina ezin izan dugu zuzenean berarekin bat egin. Dena dela, igandean blogisten topaketa izango da Elgetan eta horren inguruan egin dugu berba gure irratsaioan.
Jarraitu 15. Saioa: Elgetako blogisten topaketa irakurtzen →

Gaurkoan podcast joera izan dugu hizpide irratia.com irratsaioan. Wired aldizkariaren martxoko zenbakiak gai hau Irratiaren amaiera izenburupean aztertzen zuen, besteak beste sateliteak, irrati digitala, disko gogordun entzungailuak eta TIVO-irratiak aipatzen zituen. Podcast-ari buruzko azalpenak, adibideak eta helbideak aipatu ditugu.

Saioa eskuratzeko egin klik HEMEN (MP3 56 Kbps mono, 25 MB).
Jarraitu 14. saioa: Irratiaren amaiera eta Podcast mundua irakurtzen →

Disko gogorraren arazo bat dela eta, irratia.com-en azken bi irratsaioak ezin izan ditugu mp3 formatora pasatu. Ondoren, Aste Santuan eta Pazko Astean atsedena hartu dugu, baina ez gaude geldi. Datorren astean, betiko moduan, teknologia berriak jorratuko ditugu zuzenean Bilbo Hirian, 18:00etatik 19:00etara. Beraz, badakizue, asteartean konekta zaitezte.

Gaur arratsaldean Skype programa zuzenean probatzen ibili gara irratia.com irratsaioan. Dohainik, lagun bat baino gehiagorekin eta munduko bazter askorekin hitz egiteko aukera damaigun programa da Skype. Programa bera aurkezteaz gain, zuzenean berau probatu dutu Milwaukeerekin (AEB) kontaktua eginez. Bertan Jon Larra?aga arrasatearra dabil ikasle eta berak Skype erabiltzen du familiarekin kontaktuari eusteko.

Saioa eskuratzeko egin klik HEMEN (MP3 56 Kbps mono, 18 MB).
Jarraitu 11. saioa: Skype, Faroa, Milwaukee irakurtzen →

Gaurko saioa monografikoa izan da. Saharaui errefuxiatuen kanpamenduetatik etorri da Patxi, iragan astean egin baitzuen estraineko bidaia bertara eta bertan bizi izan duena kontatu digu.

Saioa eskuratzeko egin klik HEMEN (MP3 56 Kbps mono, 24 MB).

Aste honetan, otsailaren 16a eta 17a bitartean Data 2005 jardunaldiak izango dira Leioako Gizarte komunikazio fakultatean. Bitakorak, euren funtsa, datu baseen erabilera eta WordPress plataforma irekiaren funtzionamendua izango dituzte mintzagai egunotan, Gorka Palazio irakasleak antolatu dituen jardunaldi hauetan.

Saioa eskuratzeko egin klik HEMEN (MP3 56 Kbps mono, 24 MB).
Jarraitu 9. saioa: Data 2005 irakurtzen →

Gaurko saioko albiste nagusia Aurkiren birmoldaketa izan da. Dmoz-en euskarazko moldaketa eskaintzen zigun orain arte, baina orain, horrez gain, oso bestelako zerbitzua eskaintzen du: Google News-en antzerako albiste bilgunea dugu, iturri anitzeko azken albisteak bilduz eta orrialde bakarrean eskainiz. Era automatizatuan eta sarri egiten du lan hori. Aurkik, berriz, gure hizkuntzan idatzitakoak biltzen ditu. Bestalde, Bloglines zerbitzuaren antzera, gure RSS jariorik gogokoenen bilduma egiteko aukera damaigu.

Saioa eskuratzeko egin klik HEMEN (MP3 56 Kbps mono, 24 MB).
Jarraitu 8. saioa: Aurki berria, euskal blogak irakurtzen →

Iragan ostiralean Argia Sariak banatu ziren Lasarten eta Sareko Argia saria Azpeitiko Atariak eraman zuen. Albistegi eta eztabaidagune bizia da uztarria.com, bertako bizilagunen artean erreferentzia bilakatu dena. Horregatik saritu dute Argiakoek. Uztarria.com-eko editore Kepa Urbietak jaso zuen saria, Uztarria kultur koordinakundearen izenean eskerrak emanez eta albistegi-eztabaidagune horren inguruko datu batzuk eskainiz. Urbieta bera izan dugu gurean gaur, atariaren inguruko xehetasunak eskainiz eta euren proiektuen berri ematen.