Etiketaren artxiboak: irratia

142. saioa: Korrika hasi gara Tuteratik

Saioa entzuteko HEMEN.

Korrika hasi baino ordu batzuk lehenago elkarrizketatu dugu lehen kilometroan lekukoa eramango duen Alicia Iribarren AEK-ko irakaslearekin. 10 urterekin Baztandik Erriberara bizitzen joan, eta euskara ia galdu zuen arren, 16 urterekin ekin zion euskalduntzeari. 16 urte beranduago, AEK-ko irakaslea da Erriberan. Tuterako Arrigarai euskaltegian harrapatu dugu, biharamunerako ekitaldiak prestatzen.
2001. urtean mundu bat euskarara biltzen
Gero duela 8 urteko Korrika ekarri dugu gogora. Gogoratuz zelan 2001. urtean irratia.com saioak egin genituen Euskal Herrian zehar, irrati eta herri ezberdinetatik. Korrikaren jarraipen dinamikoa egin genuen sarean, ez ADSLrik ez wifiri ez holangorik ez zegoen garaian.
Albisteak 2.0 albistegi digitalari ekin diogu gero. Azken asteko albisteak, hemen eta han bildutakoak. Aktualitate teknologikoa euskaraz.

141. saioa: Euskal Herriko copyleft musika gida 09

Euskal Herriko musika gida 09

Musikagida09 Koldo Otamendi etorri da gurera. Musika gida eskuartean, eta 300 mp3 batzen dituzten bi cdrekin. Euskal Herri osoko taldeak biltzen dira gidan, aretoak, gaztetxeak, argazkilariak, tabernak…. Musika panorama librea. Copyleft lizentziapean plazaratutako lana. Interesgarria. Berarekin taldeak ezagutu, kantak entzun eta solasean aritu gara. Gaztesarea.net ekimenaren ekoizpena izan da Musikagida azken urteotan, eta laster sarean ere egongo den esperantzarekin agurtu dugu Koldo andoaindarra. Saioa entzuteko HEMEN.

138. saioa: are you reggae?

Saioa entzuteko HEMEN.

are you reggae? Revolutionary brothers & king konsul

irratia.com sound system. Konsul izan dugu estudioan, mikrofonoetara. Donostiatik zuzenean Unai (revolutionary brothers) Ttan Ttakun irrati libreko are you reggae? saioko esatari eta disko jartzailea. Eta reggaea hizpide, musika beltza entzungai. Eta zuzenekoa eskaini digu King Konsulek. Revolutionary brothers & Kingo Konsul. Kantuak joan, kantuak etorri. Galdetu eta erantzun. Entzun eta ikasi. Dena zuzenean, dena txukun. irratia dot com, basque digital radio.

135. saioa: AnHitz estudioan

Saioa entzuteko HEMEN.

AnHitz izan da gurean. Neska euskaldun baten ahotsarekin, euskaraz mintzo den zientzia eta teknologiari buruzko errobota da Anhitz. Oso interesgarria iruditzen zitzaigun gaurko saioa, eta Igor Leturiaren laguntzagaz (Elhuyar i+g) , oso elkarrizketa interesgarria egin dugulakoan gaude. Twitter eta facebook bidez ere jarraipena izan du gaurkoak, eta alde horretatik oso pozik gu.

Albisteak 2.0 albistegi digitalean puntuEUS elkartearen sorrera, ARGIA saria Librezale ekimenari eta beste. Saio konpletoa, barreak, algarak, zientzia eta teknologia, sexua eta umorea.

127. saioa: Fermin Muguruzarekin solasean

Gaur Fermin Muguruza izan dugu gurekin zuzenean.

Aspaldiko laguna dugu FM, eta irratia.com proiektua beti gertutik jarraitu du. Izan ere, gure lehen emankizuna beragaz batera egin genuen 2000ko azaroaren 1an.

Gerora ere bisitatu gaitu, zabaldu ditugu bere doinuak, berba egin dugu… eta munduan zehar uhinetatik eta sarean hedatu ditugu kontzeptu guzti hauek: musika, identitatea, mezua, askatasuna, ideiak….

irratia.com zuzenean irratia.com zuzenean entzuteko.
Fermin Muguruzari egindako elkarrizketa entzuteko, klikatu HEMEN.


121. saioa: software librea nahi dugula esanez hasi gara

software librea Saioa entzuteko HEMEN. Itzuli gara, barriro be estudioan sartuta, ordenadoreak piztu eta barra barra bota ditugu udatik gorde ditugunak. Eta hasi, software librearekin abiatu gara. Txopi izan da gugaz, kanpaina berria aurkeztu eta software librearen onurak aipatuz.
Krisia aipatzen duen BAP!en kantua jarri du gero Ibon teknikariak, krisiaz mintzatu gara gu ere, kapitalismoaren krisiaz eta gezurraz, Bartzelonako hainbat kontu gurera ekarriaz.

Albisteak 2.0
Informazioa albisteek ere egiten dutelako, gure albistegi digitala du gure emankizunak. Hemen eta han gertatzen dena, azkar azkar kontatzeko. Eta guk arrapaladan bota ditugu gure albisteak. Gehiago ere sortuko ditugun esperantzaz.

Eta musika librea ere izan da gurean, gaurkoan Musikherria disketxeagaz diskoa atera berri duen Itziarren semeak taldea.

Berriro hasteko irrikitan, prestatu kaskoak beraz

prestatu kaskoak120. saioa egin genuen, aparagailuei off eman, eta musika entzutera beste toki batzuetara joan ginen. Estudiotik landa, hemen eta han ibili gara. Elkarrizketak tabernakoak izan dira, eta musika edo zuzenekoa edo etzanda lasai entzutekoa.

Internet gure mezuak igortzeko baliatu dugun arren, saretik at ibili gara batez ere.

Baina dagoeneko, diskoei hautsa kendu eta gure entzuleekin harremanetan jartzeko gogoa piztu zaigu. Sareko kontuak zuekin partekatzeko irrikitan gaudela onartu behar.

Eta laister emankizunekin, programazio berriarekin; 2.4 denboraldiari ekin beharko diogu. Zuek prestatu zuen kaskoak, beharko dituzue eta.

115. saioa: txokolate apur bat zineman

un poco de chocolateSaioa entzuteko HEMEN. Zinemara joateko gogoa genuen aspaldion. Lantzean behin filmeren bat aipatzen dugu hemen, baina oraingoan lagun batek film luzea pantailaratu dutenez, beragana jo dugu. Aitzol Aramaiok Unai Elorriagaren SPrako tranbia zinemaratu du. Aitzolegaz, zinemaz, filmeaz, gauza askori buruz aritu gara. Zineman jarraitu dugu FANT jaialdia hastear dagoen honetan. Bilboko beste zinemaldi bat, interesgarria hau ere.
Albisteak 2.0 tarteak toki zabala hartu du gaurkoan, eta musika librearen tartea entzuteko aukera izan dugu, SGAEren azken abenturak irakurtzeagaz bat.

108. saioa: euskara eta Internet. Komunikazio alternatiboa

Hala Bedi  komunikazio alternatiboa jardunaldiak

Saioa entzuteko HEMEN. Euskara eta Internet ekarri ditugu berriz ere hizpidera. Horretarako Denis Elortzaren lan batetatik abiatu gara, Euskara ingurune globalizatuan/… txostena irakurri dugu 78 orrialdetako pdf batean. Garagoikoa blogeko laburpen egokitua ere baliatu dugu, eta direnak eta ez direnak esaten abiatu gara. Bat gatoz, ez gaude ados, nik hau, zuk hori… iritzia ematen. Twitter bitartez, gure entzuleek ere parte hartzeko aukera izan dute.
Saioaren bigarren zatian, asteburuan Gasteizen burutu diren Komunikazio alternatiboari buruzko jardunaldiak izan ditugu hizpide. Hala Bedi irrati libreak antolatuta, Gasteizko jardunaldien edukietan murgildu gara, eta zelan ez, teknologia berriei buruzko berbaldiei arreta berezia jarri diegu.


107. saioa: Egunkaria libre! otsailaren 20an

Egunkaria libre! @ irratia.com

Saioa entzuteko HEMEN. 2003ko Otsailaren 20an itxi zuten Euskaldunon Egunkaria. Bost urte igaro dira, ez dugu ahanztu, baina saiatu gara gehiago gogoratzen. Andoainen izan gara Pipirekin, Bartzelonan Jonekin, Bilbon Gotzonekin. Sarean ibili gara eta ozen esan dugu Egunkaria libre! Irratia.com egiten dugunok Egunkariaren aldeko irrati emankizuna egin gura izan dugu.

Sarean.com bitakora bereziki gogoratu dugu, 5 urte betetzen direlako Jabi Zabalak sortu zuela.