Etiketaren artxiboak: euskara

175. saioa: Gaeltacht 2.0 #lnag10

gaeltacht 2.0
Irlandar bat Euskal Herrian eta euskaldun bat Irlandan. Biak batu ditugu irratian. Irlandan eta Euskal Herrian entzun daitekeen podcast bat egin dugu. Munduan zabalduko dugun mezu bat.
Gaelikoak kezkatzen gaituelako jarri gara Rith (gaelikoaren aldeko korrika Irlandan) laisterketari begira. Gaelikoaren 2.0 aroan gaudela esan dezakegu orain.
Arturo Villanueva eta David Henderson mintzatu zaizkigu Belfast eta Arrietatik. Irlanda, teknologia berriak, garapena, hizkuntza eta…. musika apur bat.
Saioa entzun gura baduzu HEMEN

169. saioa: Fosdem 2010 eta albisteak 2.0

Software librearen Europako hiriburua bilakatu da Flandriako Brusela asteburuon. Euskaldunak ere izan direnez bertan, Mikel Iturbe gonbidatu dugu irratira. Bertan ikusi eta ikasitakoaz mintzatu zaigu, eta software libreak gurea bezalako hizkuntza eta komunitatean duen garrantziaz aritu gara.

albisteak 2.0

Albiste teknologikoak hartu ditugu gero hizpide. Gure eremu hurbilean zein urrutiago gertatuakoak ekarri ditugu gure albistegi digitalera. Aspaldiko partez, eta horregatik notizia ugari sartu beharrean aurkitu gara.

euskal kultura digitalaz

10 urte irratia.com sortu zela, eta euskal kultura digitalizatu eta kultura digitala euskalduntzeko saiakera da gurea. Zelan dago gure kultura sarean? Euskarak ze leku betetzen du gure eguneroko ordenagailu aurreko jardunean. Euskal kultura digitala, badago egon? Azken hamar urteotan aldatu dira gauzak bai, eta pozik ere bagaude gu, zelan ez. Hontaz eta hartaz berba egin eta gero, Bertso Egunean Maddalen eta Mirenek jarritako bertsoak entzun ditugu. Entzutekoak direlako, besteak beste.


Gure hizkuntza eta kulturaren kezka badugunez, axola digute ere beste hizkuntza eta kultura txikiek ere. Bo hizkuntzaren gaineko kezka adierazi dugu azkenik, azken hiztunaren berbak entzunez agurtu dugu saioa.
Aka Bo hizkuntza euskarazko wikipedian.

Saioa eskuratzeko HEMEN klikatu.

Herri irratigintzari buruzko erreportaia

8. kalea bideo sorta ari da egiten aspaldion Ibaizabal Telebista. Bilbo eta inguruetako gaiak lantzen dituzte normalean, eta berriki herri irratigintzari buruzkoa egin dute. Bilbo Hiria irratia, Bilboko Irola eta Tas Tas irrati libreak, Uribe Kostako Koska irratia eta Lutxanako Zopinpa irratia.
Irratia.com emankizun bat grabatzen ere egon ziren Ibaizabalekoak, eta gure saioko irudi eta soinuak ere txertatu dituzten beraien erreportaira.

8. kalea

mila esker Ibai!

[gogoeta saioa] irratigintza euskalduna eta berrikuntza

Gogoeta saio bat egin gura dugu entzule, partehartzaile eta sareko lagunen artean. Irratigintza euskalduna eta berrikuntza hartu gura ditugu solasgai.

  • Podcasting-a
  • aro digitala
  • irratiak eta Internet
  • euskara / euskal kultura Informazioaren gizartean…

Gauza asko ditugu berba egiteko, eta guztion artean egin nahi dugu, eztabaida zabaldu eta gogoeta amankomuna egiten saiatzeko. Saio hau, hasiera bat baino ez da, berrikuntza saioan bertan aplikatzeko asmoarekin, gainera.


Argazkiak.org | irratigintza euskalduna © cc-by-sa: irratia.com
Horretarako saio berezia prestatu dugu. Beste euskal irrati batzuetako lagunak, entzuleak, musikariak, edota kulturgileen iritzia jaso nahi genuke. Eta baita zurea ere. Zure iritzia interesatzen zaigu: blogari, entzule, sortzaile, diasporako ikasle, herbesteko langile, Euskal Herriko auzokide zaitugun hori.

Telebistarako saioa
Ibaizabal telebistako adiskideek 8. kalea deritzon dokumental sorta ari dira prestatzen Bilbon. Irratigintzari buruzkoa izango da bat, eta Hamaika Telebistan emango dute aurki. Zuen iritziak ere, hor txertatu nahi genituzke.

146. saioa: munduari bira doan ematen

bildotso Asisko Urmeneta eta Juanjo Elordik zuzendu duten filmearen kantuak entzunez hasi dugu gaurko saioa. Munduaren bira doan. Kaki Arkarazok sortutako musika, Pettiren ahotsarekin besteak beste. Eta galdezka hasi gero, Asisko eta Juanjori. Irudiak, filmea, musika, Internet, mundua, Euskal Herriko kuadrilak. Ordu bete eman dugu berbetan, askoz gehiago ez du iraungo gure munduaren bira honek.
Gure irratiak ere, munduari bira ematen dio, egiten dugun saio bakoitzean. irratia.com doan da, free!
Saioa eskuratzeko HEMEN klikatu.

144. saioa: Google euskaraz?

Google euskaraz? Galdera horri erantzun gura izan diogu emankizun honetan. Aurreko astean izenburu horrekin ekitaldi bat egin zen Bilboko Eitb-ren egoitzan.  Egoitz Goikoetxea ere (euskal SEO kontuetan aditua bera) gogotsu joan zen aurkezpenera, baina bertan bizitakoa kontatu digu guri. Etsituta atera zen handik, orohar.

Etsipenean erori barik jarraitu dugu saioarekin hala ere. Ikuspegi kritikoarekin aritu gara. Kazetaritza subjetiboa lantzen, iritzia eskaintzen, datuak emanez. Eta ez zaigu asko gustatzen Internet KEArekin lotzea. Pelotazo garaiak, bipuntuzero burbuila berriak, eta euskarazko kea ere badago gurean, larregi beharbada. Horregatik, entzuleen iritzia ere plazaratu dugu, zuzenean. Mikrofonoa ireki diegu twittereko mezuei. Saioak eman duena eman du, ordubeteko tarte horretan, baina kantu on batzuk ere entzun ditugu, tartean.

Zuen iritziak ere jaso gura genituzke blog honetan. Guztion artean, zerbait egin dezakegulako gaiaren inguruan. Zer iruditzen? Saioa eskuratzeko HEMEN klikatu.

Zenbait lotura interesgarri, saioa entzun bitartean begiratzekoak.

143. saioa: Korrika 2.0 eta gauzen Internet

Korrika 2.0 Gaur ere Korrikara jo dogu. Orozkotik Baranbiora bidean zen orduan euskararen aldeko martxa, eta Kimetz Arana Trapagarango (Meatzaldea) euskaltzalearekin zuzenean hitz egin dugu. Tuteran hasi eta Gasteizera bidean bizitakoaz mintzatu zaigu bera. Gogoeta interesgarriak, bertatik bertara izandakoak.

Korrikaren alde teknologikoari buruz berba egin dugu Benito Fiz (bontxi) AEK-ko gizonik mutilmediarenarekin. Korrikak zelan bizi dituen Internet garaiak azaldu dizkigu, darabilten teknologia eta aurten egin dituzten saiakera berriak. Adi adi entzun dugu Benito, beste behin.
Gauzen Internet kolaborategia
Bilkura egin zuten aurreko igandean han, Andoainen. Gauzen Internet aztertzea, ezagutzea, ikertzea, asmatzea zuten helburu. Eta kronika eta azalpenak eskaini dizkigu Joxe Rojas adiskideak. Ondo ulertu diogu, entzuleek ere parte hartu dute, eta adibide asko joan da gainera.

Musika amaiera. Saioa ohi bezala musikarekin amaitu dugu, hiru elkarrizketa labur baina interesgarri egin ostean. Gurean Ibonek oso musika eta kantu onak hautatzen dituelako saiorako. Saioa entzuteko HEMEN.

136. saioa: softwarelibrea.eus

Saioa entzuteko HEMEN.

FOSDEM, the Free and Open Source Software Developers' European Meeting

FOSDEM Europa mailako software libre garatzaileen topaketa izan da asteburuan Bruselan. Euskaldunak ere izan dira bertan, Librezaleko kideak, eta bertako berri emanez hasi dugu gaurko irratsaioa, wifi konexioa eskuratu ostean. izan da gurean.

Saioaren bigarren zatian Iñaki Goirizelaia elkarrizketatu dugu. Telematika ingeniaria eta EHUko errektorea be bada Goirizelaia. Baina guk puntuEUS elkartearen sorrera aitzaki hartuta elkarrizketatu dugu, euskara eta euskal kulturaren dominioa zelan eskuratu azaltzeko.
Eta saioa musika atseginarekin amaitu dugu, ohi dugunez. Albisteak 2.0 atalik ez dugu egin, gai nagusiek aski informazio eskaini digutela iritzita.

133. saioa: Yes, we kan -kafe antzokia martxan-

Saioa entzuteko HEMEN.

kafea antzokia martxan yes we kan esanez abiatu dugu gaurko saioa. Beltzen doinuak sintoniaren ostean, Maialen Errotaberek eztiki, Guantamera gero, munduan espetxe bat gitxiago egongo den esperantzan. Yes we can. Zaindu maite duzun hori, Kafe Antzokia.  Zenbat Gara elkarteko Xabierrek etorkizun iluna margotu dugu. Kafe Antzokia itxi egingo da, baldin eta Bilboko udalak ez badu bere jarrera aldatzen. Euskaldun gehiago hartu behar ditu bere baitan antzokiak, egunez eta gauez. Euskaldunok behar dugulako. Guk ere Kafe Antzokia martxan gura dugu, irratia.com egiten jarraitzeko, Bilbo Hiria irratia entzuten egoteko, besteak beste.

Saioaren bigarren zatian, bizi gara! kantatu dugu hala ere. Bizi da euskara, bizi gara euskaldunok, sortzen dugu, sortzen jarraitu gura dugu. Eta Esku era jardunaldiak aurkeztu dizkigu gero Ikerrek, gure facebookeko lagunak. Topaguneko eleduna. Euskara elkarteak ekarri ditugu hizpidera, sare sozialen aroan.

107. saioa: Egunkaria libre! otsailaren 20an

Egunkaria libre! @ irratia.com

Saioa entzuteko HEMEN. 2003ko Otsailaren 20an itxi zuten Euskaldunon Egunkaria. Bost urte igaro dira, ez dugu ahanztu, baina saiatu gara gehiago gogoratzen. Andoainen izan gara Pipirekin, Bartzelonan Jonekin, Bilbon Gotzonekin. Sarean ibili gara eta ozen esan dugu Egunkaria libre! Irratia.com egiten dugunok Egunkariaren aldeko irrati emankizuna egin gura izan dugu.

Sarean.com bitakora bereziki gogoratu dugu, 5 urte betetzen direlako Jabi Zabalak sortu zuela.