Etiketaren artxiboa: eitb

162. saioa: Sahararen aldeko musika librea eta albiste digitalak Teknoflash saioan


Argazkiak.org | bi herri, irrintzi bat. Musikherria / Sahara © cc-by-sa: irratia.com

Musikherria disketxekoek elkarlanean burutu dute azken disko hau. Sahararen aldeko lana burutu dute talde ezberdinek. Horko doinuekin abiatu dugu irrati emankizuna. Saharan hasi, eta bestelako doinuekin jarraitzeko, Durangoko azokaren atarian.

Musikarekin jarraitu dugu, Mikel Laboari Bi kate bertsio berezia eskaintzeko, BAP! taldearena. Eta gero eitb.com eta bereziki ETBko albistegietako tarte berezi bat ezagutu dugu Iñaki Olano kazetariaren eskutik: Teknoflash
Luze aritu gara albiste digitalak, kultura digitalaz, teknologia berriak eta hedabide zaharretaz. Eta saio honek zein besteek zelan bat egiten dute sare sozialetan.

Saioa eskuratzeko HEMEN klikatu.

144. saioa: Google euskaraz?

Google euskaraz? Galdera horri erantzun gura izan diogu emankizun honetan. Aurreko astean izenburu horrekin ekitaldi bat egin zen Bilboko Eitb-ren egoitzan.  Egoitz Goikoetxea ere (euskal SEO kontuetan aditua bera) gogotsu joan zen aurkezpenera, baina bertan bizitakoa kontatu digu guri. Etsituta atera zen handik, orohar.

Etsipenean erori barik jarraitu dugu saioarekin hala ere. Ikuspegi kritikoarekin aritu gara. Kazetaritza subjetiboa lantzen, iritzia eskaintzen, datuak emanez. Eta ez zaigu asko gustatzen Internet KEArekin lotzea. Pelotazo garaiak, bipuntuzero burbuila berriak, eta euskarazko kea ere badago gurean, larregi beharbada. Horregatik, entzuleen iritzia ere plazaratu dugu, zuzenean. Mikrofonoa ireki diegu twittereko mezuei. Saioak eman duena eman du, ordubeteko tarte horretan, baina kantu on batzuk ere entzun ditugu, tartean.

Zuen iritziak ere jaso gura genituzke blog honetan. Guztion artean, zerbait egin dezakegulako gaiaren inguruan. Zer iruditzen? Saioa eskuratzeko HEMEN klikatu.

Zenbait lotura interesgarri, saioa entzun bitartean begiratzekoak.