Asteazkena, azaroa 21st, 2007
Saioa entzuteko HEMEN. Literatura eta musika uztartu ditugu gaurkoan. Poemak eta kantuak. Gotzon Barandiaran gurean izan da, diskoa eta liburua aurkeztu dizkigu. Katamalo liburu bat, disko bat, eta blog bat delako.
irratia.com 100. saioa
Saioaren bigarren zatian, aste pare bat barru egin behar duguna aurreratzeko profitatu dugu. 100. emankizuna Bilboko kafe antzokian egingo dugu, datorren abenduaren 5ean, gaueko 22:00etatik aurrera. Sorpresaz betetako saioa izango da, musikariak izango dira zuzenean, gonbidatu bereziak, ikusentzunezkoak… denetarik. Deialdi berezia egin dugu bideo lanak igortzeko, izan be, bideoak eman gura ditugu gure entzuleen aurrean. Wiki berezi bat prestatu dugu 100. saioa antolatzen laguntzeko.
Posted in Gurean asteon (podcast), irratia.com | 2 erantzun»
Osteguna, azaroa 15th, 2007
Saioa entzuteko HEMEN. Bilbo, Paris, London. Jabi Zabala bidaian izan da, eta kanpoko begirada ekarri du gurera. 1280EuskalHiria hartu dugu hizpide gero, Captain Nemo taldearen disko berria. Irazu kitarjolea izan da gurekin. Zinema eta literatura rockarekin jorratuz, gustura entzun ditugu taldearen kantak. Ines Intxausti sartu da gero estudioan. ZINEBI jaialdiari buruz hasi gara berbetan. Gustura aritu gara zinemaz, filmeetaz, gure hiriari buruz… pentsa monarkia ere hizpide hartu dugunean!
Posted in Gurean asteon (podcast), Musika albisteak | erantzun bakarra »
Asteazkena, urria 31st, 2007
Saioa entzuteko HEMEN. Disko ekoizpenak barra barra ari dira argitaratzen. Asko dago aukeran, eta guk bi talde gonbidatu ditugu gaurkoan. Estudioan izan ditugu Audience eta gero deabruak teilatuetan entzun dugu, beraiekin izan gara. Noizpop disketxeak plazaratu du Gernikakoen lana, Bonbereneak karrikaratu du Tolosakoena.
Hannot eta Gaizka beraien kitarrekin etorri zaizkigu estudiora, eta zuzenean eskaini dituzte lau kantu. Guk hizpide hartu dugu beraien trying wings on roots diskoa. Lau urte egon dira isilik, lanean, baina zuzenean askorik jo barik. Baina gogotsu dira orain eta gogotsu etorri zaizkigu saiora, gitarrak hartuta. Gure estudioan bertan diskoko hainbat kantu jotzeaz gain, bideoan grabatu dugun Neil Young-en bertsio honen oparia eman digute, ea gustatzen zaizuen.
Posted in Gurean asteon (podcast), Musika albisteak | erantzun barik »
Asteazkena, urria 17th, 2007
Saioa entzuteko HEMEN. Uda ostean berritu dute Appleberri.com maczale euskaldunen komunitateari eskainitako bloga. Imanol izan da gurekin, skype bidez -eta igarriko da beharbada-, komunitate honi buruz, Apple sistema eta ordenadoreei buruz berbetan.
Elkarrizketaren ostean, gu ere Mac, Windows, Linux eta abarri buruz berbetan aritu gara, tertulianoen traza hartuta. Musika entzun, komentatu eta albisteak 2.0 atala ireki dugu, asteroko albiste elektronikoen tartea.
Posted in Gurean asteon (podcast) | erantzun barik »
